யவன ராணியும் பொன்னியின் செல்வனும் - 1

சாண்டில்யனின் யவன ராணியும், கல்கியின் பொன்னியின் செல்வனும் அவர்களின் மிகச் சிறந்தப் படைப்புகள். எனக்குத் தெரிந்த அளவில், இன்று வரை பொன்னியின் செல்வன் அளவிற்கு தமிழக மக்களைச் சென்றடைந்த நாவல் வேறு எதுவும் இல்லை. இன்றும் பொன்னியின் செல்வன் புத்தகம் குறிப்பிடத்தக்க அளவிற்கு விற்பனை ஆகிறது. பொன்னியின் செல்வனின் இன்றைய வாசகர்களில் பெரும்பாலனோர் இளைஞ, இளைஞிகளே. அந்த அளவிற்கு பொன்னியின் செல்வன் காலங்கடந்து நிற்கின்றான் (நாவலிலும் வரலாற்றிலும்!).

சாண்டில்யனின் யவன ராணியும் மிகச் சிறந்த நாவலே . இரண்டு நாவல்களும் சரித்திர
நாவல்களாக இருந்த போதிலும், இருவரில் பொதுவாக சாண்டில்யனின் நாவல்களில் கற்பனை வளம் சற்று அதிகமாகவே இருக்கும் (கதையின் ஓட்டத்திலும், கதாபாத்திரங்களின் வர்ணனையிலும்!). கல்கியின் நாவல்கள் பெரும்பாலும் வரலாற்றை அடிப்படையாகக் கொண்டதாகவே இருக்கும். .

பொன்னியின் செல்வன் நாவல் நடக்கும் காலம் கி.பி 10 ஆம் நூற்றாண்டு. யவன ராணி நாவல் நடக்கும் காலம் கி.பி 2 ஆம் நூற்றாண்டு (not sure 120 CE or 301 BCE)

யவன ராணியில், கதைக் களமானது கதையின் நாயகன் இளஞ்செழியன், நாயகி யவன ராணி ( பண்டைய காலங்களில் தமிழகத்தில் கிரேக்கர்கள், யவனர்கள் என்றே அழைக்கப்பட்டனர்) மற்றும் வில்லன் டைய்ப்ரீஸைச் சுற்றியே நடைபெரும். இந்நாவல் யவனர்களிடமிருந்து சோழர்கள் ஆட்சியை மீட்பது பற்றியது . இந்நாவலில் யவன ராணி மற்றும் இளஞ்செழியன் இருவருவரின் கதாப்பாத்திரம்மும் ஒருவருக்கொருவர் சளைக்காமல் இருக்கும். யவன ராணியிலும் ஒரு முக்கோணக் காதல் கதை உண்டு . இருந்தாலும் கதைக்களமானது காதல், போர் மற்றும் போரைச் சுற்றிய சதிச் செயல்களிலுமே நடைபெறும்.

பொன்னியின் செல்வனிலும் காதல் உண்டு என்ற போதிலும், யவன ராணி அளவிற்கு இருக்காது ;). இதில் கதைக்களமானது, பதவியை பிடிப்பதற்கான சதிச் செயல்களிலும் அதை முறியடிப்பதற்கான செயல்களிலுமே பெரும்பாலும் இருக்கும். இதில் வரும் கதாப்பாத்திரங்கள் முக்காலே மூணு வீசம் உண்மையானவை. பொன்னியின் செல்வன்,குந்தவை,வந்தியத்தேவன்,மதுராந்தகச் சோழன், ஆதித்ய கரிகார்ச் சோழன் (இரண்டாம் கரிகார்ச் சோழன் )பழுவேட்டயர்கள் மற்றும் பலர். இப்படி கதையானது வரலாற்றை அடிப்படையாகவே கொண்டு நடைபெறும்.

இப்படி இரண்டு நாவல்களும் ஒன்றுக்கொன்று சளைக்காதபோதிலும் என்னைப் பெரிதும் கவர்ந்தது நாவலிலும் சரி , கதாப்பாத்திரத்திலும் சரி, யவன ராணியே. அந்தக் கதைப் பாத்திரத்தில் இருக்கும் அழகும் சரி ,மிடுக்கும் சரி, மற்றக் கதாப்பாத்திரங்களை விட அதிகமே. இந்த நாவலில் யவன ராணியின் அறிமுகமே சற்று கவர்ச்சியாகவே இருக்கும் ;). இந்நாவல் நான் படித்த முதல் நாவல். இது நான் என்னுடைய 10 ஆம் வகுப்பு study leave இல் படித்தது.
அதுவும் இந்நாவலின் இரண்டாம் பாகத்தைப் படித்த பிறகே (அதிலும் climax ஐப் படித்த பிறகே இரண்டாம் பாகத்தின் ஆரம்பத்தைப் படித்தேன்! ), முதல் பாகத்தைப் படித்தேன்! (நாவலை எடுத்தவன் கீழே வைக்கவில்லை, இரண்டே நாட்களில் படித்து முடித்தேன். அந்த அளவிற்கு என்னைக் கவர்ந்த நாவல்!).

பொன்னியின் செல்வன் சற்று வேறு விதமானது. இது சோழ அரியணைக்கு ஏற்படும் போட்டியைப் பற்றியது( அருள்மொழிவர்மன் பதவிக்கு வருவதில் ஏற்ப்படும் சிக்கல்களை பற்றியது). யவன ராணியுடன் ஒப்பிடும் போது, இதில் கற்பனை வளம் மற்றும் வர்ணனை சற்றுக் குறைவே. ஏனெனில் இந்நாவல் வரலாற்றை ஒட்டி நெருக்கமாகப் பயணித்த ஒன்று. அதனால் heroism உம் குறைவு.

யவன ராணியும்,பொன்னியின் செல்வனும், இரு பெரும் பேரரசர்களின் முறையே முதலாம் கரிகார்ச்சோழன் மற்றும் ராஜராஜ சோழன் (பொன்னியின் செல்வன், இந்நாவலில் அருள்மொழி வர்மன் என்றும், பொன்னியின் செல்வன் என்றும் அழைக்கப்படுவான். இப்பொன்னியின் செல்வனே, ராஜராஜ சோழன்) காலத்தில் நடந்தாலும், கதையின் நாயகர்கள் முறையே இளஞ்செழியனும், வந்தியத்தேவனுமே. இக்கதைகள் நடக்கும் கால கட்டத்தில் முதலாம் கரிகார்ச்சோழனும் மற்றும் ராஜராஜ சோழனும் இளவரசர்களே.

இளஞ்செழியன் முதலாம் கரிகார்ச் சோழனின் தளபதி . வந்தியத்தேவன், பொன்னியின் செல்வனின் தளபதி இல்லை என்ற போதிலும் தளபதி போன்றே செயல்படுவான் என்று கூறலாம். பொன்னியின் செல்வன் நாவலே, ராஜராஜனை சுற்றியே அமைந்தாலும், கதாசிரியர் கல்கியே கதையின் நாயகன் வந்தியத்தேவன் என்றேக் குறிப்பிடுவார். மேலும் கதையும் வந்தியதேவனுடேயேப் பயணிக்கும். பொன்னியில் செல்வனிலாவது, ராஜராஜனின் பங்கு மிகப் பெரிய அளவில் இருக்கும். ஆனால் யவன ராணியில் இளஞ்செழியனும், யவன ராணியுமே பெரும் பகுதியை ஆக்கிரமித்திருப்பார்கள். முதலாம் கரிகார்ச் சோழனின் பங்கு, யவன ராணி நாவலில் பெரிதாக ஒன்றும் இருக்காது. கதாசிரியர் சாண்டில்யன், தன்னுடைய கற்பனை வளத்தைக் காண்பிப்பதற்கு ஒரு கற்பனைக் கதாப்பாத்திரம் அமைந்தால் நலம் என்று எண்ணி இருக்கலாம் ;) .

River dolphin is India's national aquatic animal!

Union Govt has declared that river dolphin is national aquatic animal. This step has been taken to protect the endangered species. River Dolphins are endemic to Ganga. They also found in Brahmaputra (nearly 200), Chilika Lake. Chilika Lake dolphins are called Irravadi dolphins.

River dolphins are in endangered state. They diminish in number because they accidentally caught in fisher men net. Usually fishermen have soft corner for this lovable species.

Amazon river dolphins are famous one but they belongs to least concerned category.

In a survey Dolphins are the most preferred animal in the World. Note that dolphin has beaten even dog,cat !.

Union govt has taken the right decision to save river dolphins from extinction.

Pak - China Nuke deal

When India signed nuke deal with U.S, Pakistan also sought same kind of deal with U.S. But U.S refused to sign any such deal with Pak by indicating Pak's past progress report(A.Q Khan!). So, now Pak tries to sign same kind of deal with China.

But now it seems that, that deal can not get U.S support. Recently an interview to the DAWN news agency Robert Blake, the new US Assistant Secretary of State for South Asian affairs not only rejected that Nuclear deal with Pakistan as the one it (U.S) had signed with India, but also said that Pakistan could not sign a bilateral deal with other countries as well.

He insisted that What it(U.S) had signed(nuclear agreement) with India was not a bilateral deal. bcz it went through IAEA and NSG. So, it was not a bilateral agreement. It was a multilateral understanding. So even if Pak signs same kind of deal with some other country(here China),that won't be a bilateral agreement. That also needs to get support from IAEA and NSG.

When asked whether U.S will help Pak to produce nuclear energy, he insisted that,that will be an expensive one.

So,at present Pak can not sign any nuclear deal, like the one India had signed with U.S, with any other country.

so here point is, Past progress report is very important!

BRIC

One more topic that i have discussed(or thought or read) about a lot with my friends ;) . But the one that i can not give up to think about is BRIC. But today with new news, now a days BRIC(Brazil,Russia,India and China) country representatives meet frequently and also they decided to meet regularly. That has to be encouraged. On Saturday they discussed about challenges facing World Bank and IMF.

World sees that developing countries can rescue the world from the current financial crisis. Esp it has lot of hope on India and China. So the meetings among BRIC nations is significant one.

I think BRIC won't grow to be like NATO. That is co-operation among military level. And that is not it's goal also. BRIC is for economical purpose. Even though it won't become like NATO, it would be better if BRIC emerges like ASEAN, with their own Financial Corporation and much more treaties among them to help each other in crisis times.

I like to see, strong presence of BRIC in the World. And also this is the right time (world financial crisis time) for them to show their economical strength.

ஆகையால் எழுத்தை நான் நேசிக்கத்தான் செய்கிறேன்!

நான் பல காலமாகவே blog எழுதவேண்டும் என்று எண்ணினேன். சிறிது காலத்திற்கு முன்பு என் நடைமுறை வாழ்க்கையை மாற்ற எண்ணி blog எழுத ஆரம்பித்தேன். சிறிது சிறிதாக blog எழுதுவது எனக்குப் பிடித்துப் போனது, அத்துடன் கூடவே ஒரு தொந்தரவையும் தர ஆரம்பித்தது, அதாவது அது என்னுடைய நேரத்தையும் அதிகமாக சாப்பிட ஆரம்பித்தது. முக்கியமாக எனக்குப் பிடித்த வாசித்தலுக்குரிய நேரத்தின் பெரும் பகுதியையும் எடுத்துக் கொள்ள ஆரம்பித்தது. என்னடா இவன் பத்து blog எழுதுரதுக்குள்ளவே இப்படி புழம்புகிறான் என்கிறீர்களா?.

பொதுவாக முதல் தடவை குட்டி போடும் யானையை, in experienced mother (இது அனைத்து உயிரினங்களுக்கும் ் பொதுவான வார்த்தை தான்! ) என்பார்கள். அது தன்னுடைய குட்டியை சிறுது நேரம் கூட படுக்க(ஒய்வு எடுக்க) விடாது. அது இறந்து விட்டதோ என்ற பயத்தின் காரணமாக எப்பொழுதும் எழுப்பிக் கொண்டே இருக்கும்.

அது போல, இந்த blog என் நேரத்தைச் சாப்பிடுகிறது என்ற என்னுடைய பயம் , ஒரு வேளை நான் ஒரு in experienced blogger ஆக இருப்பதன் காரணமாகக் கூட இருக்கலாம். ஆனால் இந்தப் புழம்பல் நிச்சயமாக அனுபவமின்மை in experienced காரணமாக மட்டுமே அல்ல. மேலும் இது என் நேரத்தை சாப்பிடுகிறது என்ற பயம் கூட அல்ல, எனக்கு அதையும் தாண்டி ஒரு விஷயம் இருப்பதாகவேத் தோன்றுகிறது. நான் எழுத ஆரம்பித்த பிறகு, என்னுடைய வாசிப்பிற்கான நேரம் குறைந்து விட்டது. அதாவது என்னுடைய எழுத்து என்னுடைய வாசிப்பை தின்று விடுகிறது. அதாவது என்னுடைய எழுத்து, வாசிப்பதின் மூலம் நான் கற்கும் புதுப்புது விசயங்களைத் தடுக்கிறது. இதை நான் நிச்சயமாக என் எழுத்தின் மீது குறை சொல்லக் கூடாது. அது என்னுடைய நேர நிர்வாகத்தின் மீது உள்ள குறைபாடே . மேலும் நான் எழுதும் பதிப்புகளில் 90% க்கு மேலும் , எனக்கு ஏற்கனவே நன்கு தெரிந்த விசயங்களாகவோ அல்லது ஏற்கனவே நான் அவற்றைப் பற்றிப் பலருடன் பல முறை விவாதித்த விசயங்களாகவோதான் இருக்கின்றன. அவற்றை எழுதுவதன் மூலம் நான் புதிதாக எதுவும் கற்பதில்லை. அவற்றை எழுதுதல் என்பது எனக்குத் தெரிந்ததை கக்குவதைப (இதற்க்கு பதமான வார்த்தை எனக்கு தெரியவில்லை, ஆகையால் என்னை மன்னிக்கவும் ;) ) போலவே உணர்கிறேன் .

வாசித்தல் என்பது எனக்கு ரொம்பப் பிடித்த விஷயம். எழுதுதல் என்பதை விட மிகவும் பிடித்த விஷயம் என்றும் கூறலாம். நான் எழுதுவதற்க்காக புதிதாக எதையும் வாசிப்பதில்லை அல்லது கற்பதில்லை. கற்றதையே எழுதுகிறேன். அதுவே எனக்கு ஒரு bore ஆன விசயமாக உள்ளது. மேலும் இதற்கு என்னுடைய typing வேகமும், வார்த்தைகளை கோர்வையாக அமைப்பதில் எனக்கு உள்ளக் குறைபாடும் சில (முக்கியக்) காரணங்கள். என்னுடைய எழுத்துக்களில் நீங்கள் சிறிது எழுத்துப்பிழைகளையும் காணலாம். முக்கியமாக சந்திப் பிழைகள். அவை என்னுடைய கவனமின்மை காரணமாகவும், Google transliterator ஐ பயன்படுத்துவதில் எனக்கு உள்ள அனுபவமின்மை காரணமாகவும் அமைகின்றன . என்னுடைய எழுத்தில் இருக்கும் மிக மிக முக்கிய குறைபாடு வாக்கிய அமைப்பு மற்றும் வார்த்தைகளைத் தேர்ந்தெடுத்தல் . இவ்விரண்டிலும்் நான் மிகவும் தேர்ச்சிக் குறைந்தவன். அந்தக் குறைபாடு எனக்கு மிகச் சலிப்பைத் தருகிறது.

இவ்வளவு குறைபாடுகளையும் தாண்டி எழுதுதல் என்பது எனக்கு பிடித்ததாகவே உள்ளது ;). அதற்கு ஒரு முக்கியக் காரணம் எழுத்தில் இருக்கும் ஒரு ஈர்ப்பு. எழுத்தில் இருக்கும் ஈர்ப்பானது மிகவும் ஆச்சரியப்படத்தக்கது. எழுத்தும், பேச்சும் எல்லாரையும் தன் பால் ஈர்க்கும் வல்லமை வாய்ந்தவைகள். நான் என்னை ஒரு வாசிப்பாளன் என்றுக் காட்டிக் கொள்வதன் மூலம், எழுத்தில் இருக்கும் ஈர்ப்பை என்னால் மிக நன்றாக உணர முடிகிறது. மிக நல்ல ஒரு கட்டுரையோ அல்லது மிக நல்ல நாவலையோ படித்து முடித்த பிறகு ஏற்படும் பரவச உணர்வு மிக அற்புதமானது. மிக நல்லக் கட்டுரை அல்லது நாவல் என்பது அது கூற வரும் விஷயங்களை பற்றியது மட்டுமே அல்ல. அந்தக் கட்டுரை அல்லது நாவலில் இருக்கும் கரு, அக்கருவை அது எடுத்துரைக்கும் முறை, அதில் உள்ள வாக்கிய அமைப்புகள், சரியான வார்த்தைகளைத் தேர்ந்தெடுத்தல், இப்படி பல விசயங்கள் சேர்ந்து அவற்றை சிறந்தவைகளாக ஆக்குகின்றன. என்னுடைய எழுத்துக்களும் அவ்வாறாகவே இருக்க விரும்புகிறேன். அதை முயற்சியின் மூலமும், பயிற்ச்சியின் மூலமும் மட்டுமே கொண்டுவர முடியும்.

எழுத ஆரம்பித்த பிறகு நான் என்னை ஒரு புது மனிதனாக உணர்கிறேன் . எழுத்தானது எனக்கு ஒரு புது அடையாளத்தைக் கொடுத்துள்ளது. பொதுவாக எப்பொழுதும் நான் விசயங்களைத் தெரிவிப்பதைப் பற்றி் மட்டுமே கவலைப்பட்டேனேயொழிய ,அவற்றைக் கூறும் முறையைப் பற்றிக் கவலைப்பட்டதில்லை். (அதனால் தான் என்னவோ தேர்வில் தமிழில் மற்றப் பாடங்களை விடக் குறைந்த மதிப்பெண்ணைப் பெற்றேன் ;) ). அதே போல் தான் வாசிக்கும் பொழுதும் விசயங்களிலேயே என்னுடைய கவனம் சென்றது. அதில் அமைந்த வாக்கிய அமைப்புகளையோ அல்லது வார்த்தைத் தேர்ந்த்தெடுத்தல்களிலோ கவனம் கொண்டதில்லை. ஆனால் இப்பொழுது வாசிக்கும்பொழுது அவற்றிலும் கவனம் கொள்கிறேன்.

பொதுவாக நான் என்னைச் சுற்றி நடக்கும் விசயங்களிலும் இதுவரை பெரிதாக கவனம் கொண்டதில்லை. ஆனால் இப்பொழுது கவனம் கொள்கிறேன் (blog எழுத உதவும் அல்லவா! ).

இப்படி என்னுள் பல மாற்றங்களை ஏற்ப்படுத்திய எழுத்தை நான் நேசிக்கத்தான் செய்கிறேன் ! :).

கமல்

்
கமல் ஒரு பொக்கிஷம். பொக்கிஷம் என்ற வார்த்தை சற்று அதிகப்படியானதாகவே இருக்கலாம். இருந்தாலும் எனக்குச் சரி என்றே படுகிறது. கமல் நடிப்பை பார்க்கும் போது மிக நல்ல ஒரு உணர்வு (எனக்கு ஒரு பெருமித உணர்வேத்) தோன்றும். ஏதோ நாமே அக்கதை நடக்கும் களத்தில் இருப்பது போல் தோன்றும்.

கமல் பேட்டியைக் காண்பது என்பது அதை விட மிகச் சிறப்பாக இருக்கும். கமலின் பேச்சைக் கேட்டுக் கொண்டே இருக்க வேண்டும் என்பது போல் தோன்றும். பொதுவாக கமல் பேட்டியின் போது கமல் சொல்வதே சரி என்றும், ஏன் ,கமல் சொல்வது மட்டுமே சரி என்றும் தோன்றும். இப்படி மற்றவரை எதையும் யோசிக்க வைக்க விடாமல், தான் சொல்வதை ஏற்க வைப்பது என்பது ஒரு மிகச் சிறந்த கலை. அந்தக் கலை மிகச் சிலருக்கே வாய்க்கும். எனக்குத் தெரிந்து நான் அந்தக் கலையை கமலிடம் மட்டுமே கண்டுள்ளேன். அக்கலை கமலுக்கு மிகவும் நன்றாக வாய்த்துள்ளது. இப்பாராட்டு ஏதோ வஞ்சப் புகழ்ச்சி அல்ல, நான் கமலின் ஒரு ரசிகன் என்பதில் எனக்கு இருக்கும் கர்வத்திலும், உரிமையிலுமே கூறியது.

பொதுவாக நான் யாருடைய ரசிகன் என்று, என்னை அடையாளப் படித்திக்கொள்ளமாட்டேன். ஏனென்றால், பின் அவர்களுடைய ஒவ்வொரு செயலுக்கும், சொல்லப் போனால் அவர்களுடைய ஒவ்வொரு தவறான படைப்புக்கும் ரசிகன் என்ற முறையில் நான் என்னுடைய ஆதரவையோ அல்லது குறைந்தபட்சம் சப்பைக் கட்டோ கட்ட வேண்டும் என்ற பயம் கூட ஒரு காரணமாக இருக்கலாம் ;). ஏனெனில் இச்சமுதாயம், ஒரு ரசிகன் என்பவனிடமிருந்து அதையும் எதிர்பார்க்கிறது. பொதுவாக எனக்கு அவருடைய comercial படங்கள் என்று சொல்லப்படும் படங்களில் ஈடுபாடு கிடையாது. எ.கா: காதலா காதலா. அவருடைய எதார்த்தப் படங்களிலே ஈர்ப்பு உண்டு. எ.கா: UPO. என்னைப் பொறுத்தவரையில் ஒரு ரசிகனானவன்,ஒரு கலைஞனைக் கண்மூடித்தனமாக ஆதரிக்க வேண்டும் என்பதில் எனக்கு உடன்பாடு கிடையாது. இவ்வளவையும் தாண்டி நான் ரசிகன் என்று கூறிக்கொள்வது என்றால் அது மிகச் சிலருக்கே. அதில் கமலுக்கும் நிச்சயம் ஒரு இடம் உண்டு.

நேற்று (02 Oct 2009) கமல் பேட்டியைக் காணும் வாய்ப்பு வாய்த்தது(கலைஞர் தொலைக்காட்சியில் UPO பேட்டி). அதுவும் கடைசி சில நிமிடங்களே காணக் கிடைத்தது. கமல் பேட்டியைத் தவற விட்டு விட்டோமே என்ற உணர்வு அப்பேட்டி முடியும் வரை, ஏன் அதைத் தாண்டியும் இருந்தது (எவரேனும் அந்தப் பேட்டியின் youtube அல்லது வேறு ஏதேனும் tube இன் link யோ அனுப்பினால், உங்களுக்கு கமலின் அடுத்தப் படத்தின் முதல் காட்சியில் ticket கிடைக்க ஆண்டவனைப் பிராத்திக்கிறேன் ;) ). கமலின் ஒவ்வொரு படங்களின் வெற்றி தோல்விகளும் அவருடைய, பேட்டியில் பிரதிபலிக்கும். சண்டியர் திரைப்படத்தின் பெயரை மாற்ற வேண்டும் என்று எழுந்த பிரச்சினைகளின் போது அவர் கொடுத்த பேட்டியில் தெறித்த அவருடைய கோபம், UPO பட வெற்றியின் போது கொடுத்த அவருடைய பேட்டிகளில் தெரிந்த பெருமித உணர்வு, இப்படி அவருடைய படங்களின் ்வெற்றி தோல்வி அவருடைய பேட்டியில் தெரியும் .

கமல் பேட்டியில் இருக்கும் மிக முக்கிய மற்றொரு அம்சம், கமலின் தமிழ். தமிழ் உச்சரிப்பு,வார்த்தைத் தேர்ந்தெடுப்பு,தான் சொல்ல வருவதை மற்றவரை ஏற்க வைக்கும் பாங்கு. அதுவே என்னைக் கமலின் பேட்டியை காணத் தூண்டும் மிக முக்கிய அம்சம்.

கமல் தமிழ் திரையுலகத்திற்கு பல நிலைகளில் முன்னோடியாக இருந்திருக்கிறார். ஏன் அவருடைய பல திரைப்படங்கள் ,தமிழ் திரையுலகம் mature ஆவதற்கு வெகு முன்பே எடுக்கப்பட்டவை. எ.கா: விக்ரம்,குணா,அன்பே சிவம். குணாத் திரைப்படம், காதல் கொண்டேன் திரைப்படம் வந்த காலத்தில் வந்திருந்திருந்தால் நிச்சயம் 100 நாட்களைக் கண்டிருக்கும்.

சில நேரங்களில் தோன்றும், நடிப்பு என்ற ஒரு தொழிலே இல்லாமல் இருந்திருந்தாலோ அல்லது இத்தொழிலுக்கு கமல் வராமல் இருந்திருந்தாலோ, கமல் என்னவாக ஆகிருப்பார்?. எனக்குத் தோன்றிய வரையில் கமலுக்கு பைத்தியம் பிடித்திருக்கும். எல்லோரும் கூறுவது போல் கமல் ஒரு பிறவிக் கலைஞன். கமலால் நடிக்காமல் இருக்கவே முடியாது. இன்னும் இருபது வருடம் கழித்துக் கூட கமல் கதாநாயகனாகவே நடிப்பார். என்ன அப்பொழுது மரத்தைச் சுற்றி டூயட் பாடும் கதாநாயகனாக அல்லாமல் UPO போன்ற கதாப்பாத்திரங்களில் நடிப்பார். ஏனென்றால் கமலுக்குத் தான் யார் என்றும், தனக்கு என்ன வேண்டும் என்றும் அதை விட முக்கியமாகத் தன்னுடைய களம் என்னவென்றும் மிக நன்றாகத் தெரியும்.

இம்மாபெரும் கலைஞனின் உழைப்பு இத்திரையுலகின் எக்காலத்திலும் ஏதேனும் ஒரு மூலையில், ஒரு சிறு அளவாவது இருக்கும். இம்மாபெரும் கலைஞனின் ரசிகன் என்று சொல்லிக் கொள்வதில் என்றுமே எனக்கு ஒரு பெருமித உணர்வும் அதையும் தாண்டிய ஒரு கர்வமும் உண்டு. கமல் மேலும் UPO போன்ற பல எதார்த்தப் படங்கள் செய்யவும், அதற்க்கு மக்களின் ஆதரவு கிடைக்கவும் என்னுடைய வாழ்த்துக்கள்.

இலியட்டும் மகாபாரதமும் - 3

அக்கிலிசை நான் , துரியோதனனுடன் ஒப்பிடும்போது, ஹெக்டரை நான் அர்ஜுனனுடன் ஒப்பிடுவேன். ஹெக்டரும், அர்ஜுனனும் மிகச்சிறந்த வீரர்கள். சொல்லபோனால் இருவருமே அவர்களின் படைக்கு பிரதானமானவர்கள். அவர்கள், அவர்களின் படைகளின் வெற்றி தோல்வியையே நிர்ணயிக்கும் அளவுக்கு திறமைசாலிகளாக இருந்தார்கள்.

பிதாமகர் பீஸ்மரை, ட்ராய் போரில் ஈடுபட்ட நெஸ்டருடன் ஒப்பிடலாம். ஏனெனில் இருவரும் அவர்களின் வயதிர்க்க்காகவும், ஞானத்திற்காகவும் பெரிதும் மதிக்கப்பட்டனர்

பீனிக்ஸ (பறவை அல்ல ), அக்கிலிஸின் ஆசிரியன். இதற்க்காக இவரை நாம் துரோனச்சரியருடன் ஒப்பிடலாம்.

இரண்டு போர்களும் பெண்ணாலும் மண்ணாலும் நேர்ந்தவையே (பொதுவாக பெரும்பாலான போர்கள் பெண்,மண் மற்றும் பொன்னிர்க்காக நடந்தவைகளாகவே இருந்திருக்கின்றன ).

ஒருமுறை துருயோதணன், பாண்டவர்களின் மாளிகைக்குச் சென்றிருக்கும்போது, அங்கிருந்த தடாகத்தை பளிங்குத் தரை என்று நினைத்து, தடாகத்தில் விழுந்து விடுவான். அதைப் பார்த்து திரௌபதை, சிரித்ததில் மிகவும் அவமானப்பட்டு பாண்டவர்களை பழிதீர்க்க வஞ்சம் கொள்வான். ட்ராய் நகரப் போர் ஹெலனைக் கடத்துவதிலிருந்து ஆரம்பம் ஆகிறது. இப்படித் தெரிந்தோ அல்லது தெரியாமலோ இரண்டு போர்களின் ஆரம்பத்திற்கும் பெண்கள் முக்கிய காரணமாயிருந்தனர். இதற்க்காக திரௌபதையை, ஹெலனுடன் ஒப்பிடலாம்.

துருயோதணன், பாண்டவர்களுக்கு ராஜ்ஜியத்தில் இருந்த பங்கைக் கொடுத்திருந்தாலோ அல்லது குறைந்த பட்சம் அவர்கள் கேட்ட ஐந்து கிராமங்களைக் கொடுத்திருந்தாலோ பாரதப் போரே நடந்திருக்காது. அகமெம்னன், ட்ராய் போர் தன் தம்பி மனைவியை மீட்பதே நோக்கம் என்று கூறினாலும், எவராலும் கைப்பற்ற முடியாத ட்ராய் நகரைக் கைப்பற்றுவதே அவனது பிரதான நோக்கமாக இருந்தது. ஹெலனைக் திரும்பக் கைப்பற்றுதல் என்பது ஒரு உடனடிக் காரணமாக அமைந்தது அவனது அதிர்ஷ்டம்.

இப்படி இரண்டு போர்களும் பெண்ணாலும் மண்ணாலும் நிகழ்ந்தன.

இரண்டு போர்களின் முடிவிலும் புகழ் பெற்ற வீரர்கள முக்கால்வாசிப் பேர் அழிந்தனர். அக்கிலிஸ், ஹெக்டர் இருவரும் போரில் மரணம் அடைந்தனர். போரின் முடிவில் அகமெம்னன் நாடு திரும்பிய போது தன் மனைவியால் விஷம் வைத்துக் கொல்லப்பட்டான். பாரதப் போரில் பிதாமகர் பீஸ்மர்,கர்ணன்,துருயோதணன், பாண்டவர்களின் மைந்தர்கள் மற்றும் பலர் மாண்டனர் . போரின் முடிவில், காந்தாரியின் சாபத்தால் கண்ணனும் அவன் குலமும்் அழிந்தது. இப்படி இரண்டு போர்களும் சர்வ நாசங்களை ஏற்படுத்தின.

எனக்கு இலியட்டையும் மகாபாரதத்தையும ஒப்பிடக் காரணமாக இருந்தது,துருயோதனன் மற்றும் அக்கிலிஸ் உயித்தலம் பற்றிய ஒற்றுமைகளே. அதுவே என்னை இப்பெரிய பதிப்பை எழுதத் தூண்டியது. எனக்குத் தெரியும் இப்பதிப்பானது சற்று நீளமானது மற்றும் ஓரளவுக்கு சுவாரசியம் இல்லாத ஒன்றும் கூட. மேலும் இப்பதிபைப் படிப்பதற்கு ஓரளவுக்கு மகாபாரதத்தைப் பற்றியும், இலியட்டைப் பற்றியும் தெரிந்திருக்க வேண்டும் (மிகக் குறைந்தபட்சம் ட்ராய் திரைப்படத்தை பார்த்திருத்தல் நலம்). இலியட்டையும், மகாபாரதத்தையும் பற்றி எழுதிக்கொண்டேச் செல்லலாம். ஏனெனில் இரண்டும் அவ்வளவு பெரிய இதிகாசங்கள். என்னால் முடிந்த மட்டும் எனக்குத் தெரிந்த சிறு விசயங்கைக் கொண்டு மிகக் குறைந்த அளவு எழுதியுள்ளேன்.

பொதுவாக ஒப்பீடுகள் ஆளுக்கு ஆள் வேறுபடும். சில பேர் ஒப்பிடவே முடியாது என்பார்கள். சில பேர் ஒப்பிட இயலும் என்பார்கள், அப்படி ஒப்பிட இயலும் என்று கூறுபவர்கள் பார்க்கும் கோணமும் ஒருவருக்கொருவர் மாறுபடும். இங்கு நான் ஒப்பீடு செய்தவர்களுக்கிடையையே பல வேறுபாடுகள் இருக்கலாம், இருந்த போதிலும் நான் எனக்குத் தெரிந்த வரையில், தெரிந்த முறையில் ஒப்பீடு செய்துள்ளேன். இவற்றில் ஏதேனும் பிழை இருந்தால் சுட்டிக் காட்டுங்கள், குட்டிக் கொள்கிறேன் ;).

Photo Courtesy :http://upload.wikimedia.org/wikipedia/commons/a/a4/Hector_brought_back_to_Troy.jpg