மறக்கப்பட்ட மாபெரும் சாம்ராஜ்ஜியம்

உலகின் மாபெரும் சாம்ராஜ்ஜியங்கள் இந்த உலகையே மாற்றி அமைத்திருக்கின்றன. அது வரலாற்றின் பக்கங்களின் நினைவு தெரிந்து கி.மு 1850களில்  அமைந்த உலகின் முதல் மாபெரும்  பேரரசான எகிப்து பேரரசு முதல் கடைசியாக அமைந்த பிரிட்டிஷ் பேரரசு வரை வரலாற்றையே மாற்றி அமைத்தன. கி.மு 1850 முதல் இன்று வரை கிட்டத்தட்ட 200 க்கும் மேற்பட்ட மாபெரும் பேரரசுகள் இந்த உலகை ஆண்டன. ஆனால் அவற்றில் பெரிதும் நினைவில் நிற்பவை எகிப்து,ரோம்,அசோகர் தலைமையிலான மௌரிய, முகலாய, சீனாவின்  மிங், ஸ்பானிய, பிரிட்டிஷ் என மிகச் சில சாம்ராஜ்ஜியங்களே . இதில் பெரிதும் மறக்கப்பட்ட சாம்ராஜ்ஜியம் என்றால் அது மங்கோல் சாம்ராஜ்ஜியமாகும். இந்த சாம்ராஜ்ஜியம் உலகில் இதுவரை அமைந்த சாம்ராஜ்ஜியங்களில் பிரிட்டிஷிற்கு அடுத்து உலகின் மிக அதிக நிலப்பரப்பை ஆண்ட சாம்ராஜ்ஜியம் ஆகும். அதன் உச்சபட்ச காலகட்டத்தில் அது 2.4 கோடி சகிமீ ஆண்டது . அதாவது உலகின் நிலப்பரப்பில் 16% ஆகும். பிரிட்டிஷ்ஷார் ஆண்டது 3.3  கோடி சகிமீ அதாவது  உலகின் நிலப்பரப்பில் 22% ஆகும். அதிலும் மங்கோல் சாம்ராஜ்ஜியம் ஆண்டது உலகின் தொடர்ச்சியான நிலப்பரப்பாகும். அந்த வகையில் அதுவே உலகின் மிகப் பெரியது. இதிலும் பிரிட்டிஷ்ஷார் ஆண்டது பழைய உலகம் மற்றும் புதிய உலகம் எனப்படும் அமெரிக்கா, ஆஸ்திரேலியாவையும் சேர்த்து. ஆனால் மங்கோல் ஆண்டது அவர்கள் காலத்தில் அறியப்பட்டஒரே உலகமான  பழைய உலகம் எனப்படும் ஆசியா,ஐரோப்பா மற்றும் ஆப்ரிக்காவில் ஆகும். அதாவது அன்றைய உலகில் 35% ஆகும்.  இந்த வகையில் பார்த்தால் அது எவ்வளவு பெரியது என்பது தெரிய வரும். ஆனால் அந்த மாபெரும் சாம்ராஜ்ஜியம் முற்றிலும் மறக்கப்பட்டது. அதற்கு ஒரே காரணம் செங்கிஸ்கான். ஆமாம் அந்த மாபெரும் சாம்ராஜ்ஜியத்தை அமைத்தது செங்கிஸ்கான்தான். 

இந்த உலகின் வரலாற்றில் அதிகம் நினைவு கூறப்படும் தலைவர்களில் மிக முக்கியமானவர்கள் என்றால் அது அலெக்சாண்டரும் , செங்கிஸ்கானும் ஆவர். ஆனால் அலேக்சாண்டரால் அதிகம் நினைவு கூறப்படும் ரோம் சாம்ராஜ்ஜியம் அளவிற்கு செங்கிஸ்கானின் மங்கோல் சாம்ராஜ்ஜியம் நினைவு கூறப்படுவதில்லை. அதற்கும் முக்கிய காரணம் செங்கிஸ்கான்தான். ஆமாம் இந்த உலகம் அலெக்சாண்டரை மாபெரும் பேரரசர் என்று எண்ணும் அதே சமயம் அது  செங்கிஸ்கானை வெறும் காட்டுமிராண்டித்தனமான ஒரு மாபெரும் கொள்ளைகூட்டத் தலைவன் போன்றே எண்ணுகிறது. 

 ஏனென்றால் அலெக்சாண்டர் நாடு பிடிக்கும் வெறி கொண்ட ஒரு நாட்டின் அரசராக பார்க்கப்படவில்லை. அதற்கு ஒரு முக்கிய எடுத்துக்காட்டு தன்னிடம் தோற்ற இந்திய மன்னனான போரஸை அவர் நடத்திய விதம். போரில் தோற்ற போரஸ் தன்னை ஒரு மன்னனுக்குரிய அந்தஸ்துடன் நடத்த வேண்டும் என்று அலெக்சாண்டரிடம் கூறிய பொழுது அவர் அவனின் வீரத்தைப் பாராட்டி அவனை தன்னுடன் இணைத்துக் கொண்டார். ஆனால் செங்கிஸ்கான் பெயரைக் கேட்டாலே இந்த உலகம் நடுங்கியது. பெர்சிய(இன்றைய ஈரான்)*1  படையெடுப்பின் போது செங்கிஸ்கானின் 50,000 வீரர்கள் இணைந்து கொன்ற மக்களின் எண்ணிக்கை 12 லட்சம். அதாவது ஈரான் சமவெளியில் இருந்த மக்களில் 3/4 பங்கு. இப்படி எங்கு படையெடுத்தாலும் பேரழிவு. மங்கோல் பேரரசு தான் ஆண்ட 270 வருடங்களில் கொன்ற மக்களின் மொத்த எண்ணிக்கை 3 லிருந்து 6 கோடி. அதாவது அன்றைய மக்கள் தொகையில் கிட்டத்தட்ட 7 லிலிருந்து 17 % ஆகும். 

இப்படி செங்கிஸ்கான், வெறி கொண்ட காட்டுமிராண்டித்தனமான ஒரு தலைவனாகவே பார்கப்பட்டான். ஏன் செங்கிஸ்கானின் வழி வந்த முகலாயர்களே தங்களை செங்கிஸ்கானின் வழித் தோன்றலாக கூறிக் கொள்ளாமல் , தங்களை துருக்கிய தலைவனான தைமூரின்*2 வழித் தோன்றலாக கூறிக் கொண்டனர் . 

  மங்கோலியர்களின் வாழ்க்கை கிட்டத்தட்ட குதிரையிலேயே பிறந்து , குதிரையிலேயே வளர்ந்து , குதிரையிலேயே முடிந்தது. அவர்கள் அளவிற்கு சிறந்த குதிரை வீரர்கள் கிடையாது. அங்கு சிறுவர்களை 4 , 5 வயதிலேயே குதிரையில் ஏற்றிவிடுவார்கள். மங்கோலியாவின் கடினமான காலநிலை அவர்களை முரடர்களாக ஆக்கியது. அந்த முரட்டுத்தனத்தின் மீதான பயம்தான் சீனாவை மங்கோலியாவிலிருந்து பிரிக்க மிகப் பெரிய சீனப் பெரும் சுவரை கட்ட வைத்தது . 

செங்கிஸ்கானிற்கு முன் மங்கோலியர்கள் பல இனக் குழுக்களாக பிரிந்து தங்களுக்குள்ளாகவே சண்டையிட்டுக் கொண்டார்கள். செங்கிஸ்கான்தான் அவர்களை எல்லாம் ஒருங்கிணைத்து அவர்களின் தலைவனாகி மாபெரும் மங்கோல் பேரரசை அமைத்தான்.அப்பொழுதுதான், அதிகபட்சம் சீனா வரை அறியப்பட்ட அவர்கள், உலகம் முழுவதும் தெரிந்தார்கள்.

 கான் என்று முடிவதாலேயே அதிகம் பேர் செங்கிஸ்கானை ஒரு முஸ்லிம் என்று நினைத்துக் கொள்கின்றனர். ஆனால் அவன் முஸ்லிம் இல்லை . சொல்லப் போனால் செங்கிஸ்கான் , இஸ்லாமின் பொற்காலம் எனப்படும் காலிபாக்களின் ஆட்சியை  முடிவுக்குக் கொண்டு வந்தவன். அவன்  மங்கோலியாவைச் சார்ந்த ஒரு உள்ளூர் மதத்தைச் சார்ந்தவன். அவன் அதிக சமய சகிப்புத் தன்மை கொண்டவனாக இருந்தான். அதனாலையே அவன்  இந்த நாடு அந்த நாடு என்றில்லாமல் அனைத்து நாடுகளின் மீதும் படையெடுத்தான்.

மங்கோல் சாம்ராஜ்ஜியம் மேற்கே போலந்திலிருந்து கிழக்கே பசிபிக் பெருங்கல்டல் வரையிலும் , வடக்கே சைபீரியாவிலிருந்து தென் கிழக்கே தாய்லாந்த் வரையிலும் , தென் மேற்கே மத்திய கிழக்கு நாடுகள் வரையிலும் பரவியிருந்தது.  செங்கிஸ்கானிற்கு பின் மங்கோல் சாம்ராஜ்ஜியம் 4  சாம்ரஜ்ஜியங்களாக  பிரிந்தது. 

 உலகம் செங்கிஸ்கானை ஒரு கொடூரக் கொலைகாரனாக பார்த்த போது, மங்கோலியா அவனை தங்களின் இணையற்ற தலைவனாக பார்த்தது. அதற்கு அவர்கள் கூறும் காரணம், இந்த வரலாற்றை எல்லாம் எழுதுபவர்கள் எல்லாம் மேற்கு உலகத்தவர்கள். அதனால் அவர்கள் அலெக்சாண்டரை மாபெரும் பேரரசராகக் காட்ட செங்கிஸ்கானை ஒரு கொடூரக் கொலைகாரனாக சித்தரிக்கிறார்கள், மேலும் இந்த உலகமே மேன்மை அடைந்த பிறகு நடந்த முக்கியமாக மேற்கு  உலக நாடுகளிடையே  நடந்த உலகப் போர்களில்தான் இது வரை இல்லாத பேரழிவாக வெறும் 11 ஆண்டுகளில் 5.5 கோடி முதல் 13.5 கோடி மக்கள் இறந்தார்கள். அப்படி எனும் போது செங்கிஸ்கானை மட்டும் கொலைகாரனாக சித்தரிப்பது தவறு என்பது ஆகும்.  

1. பெர்சிய படையெடுப்பிற்கு முன் செங்கிஸ்கானின் எண்ணத்தில் இருந்தது பெர்சியா மற்றும் இந்தியா. நல்லவேளையாக அவன் தேர்ந்தெடுத்தது பெர்சியா. தப்பியது இந்தியா !

2. செங்கிஸ்கானுக்கு தைமூர் ஒன்றும் குறைந்தவனில்லை, அவனுடைய படையெடுப்பில் டெல்லி மாநகரமே அழிந்தது. 

யூதர்கள்

கி.மு 1812 ஆதாம் ஏவாளின் பத்தொன்பதாவது தலைமுறைப் பேரனாகப் பிறந்தார் ஆபிரஹாம். அவரது மனைவி சாரா. இருவருக்கும் குழந்தை பாக்கியம் இல்லை. பார்த்தார் சாரா தன் வேலைக்காரப் பெண் ஆகாரை தன் கணவருக்கு மணம் முடித்து வைத்தார். அவர்களுக்கு இஸ்மாயீல் பிறந்தான். அதன் பிறகு சாராவுக்கும் ஒரு மகன் பிறந்தான் . பெயர் ஈசாக் . சாராவே பார்த்துவைத்து ஆகாரை ஆபிரகாமுக்கு கல்யாணம் செய்து வைத்தாலும் சக்களத்தி சண்டை வந்துவிட்டது. பின் குடும்பத்தில் சண்டை ஏற்படுவதை தவிர்க்க ஆகார் இஸ்மாயீலுடன் வீட்டை விட்டு வெளியேறிவிட்டார். கவனிக்கவும் இது சாதாரண குடும்ப விவகாரம் அல்ல. இது இரண்டு இனங்களின் மூன்று மதங்களின் தோற்றம் . இஸ்மாயீலின் வழி வந்தோரே அரேபியர். ஈசாக்கின் வழி வந்தோர் யூதர்கள். இப்படி பார்த்தால் அரேபியர்கள் யூதர்களை விட மூத்தவர்கள் . இதுவே கிறிஸ்தவர்களின் பழைய ஏற்பாடு , முஸ்லீம்களின் குர் ஆன் மற்றும் யூதர்களின் புனித நூலான தோரா மூன்றும் கூறுவதாகும் .

இந்த உலகில் மிக அதிகமாக துரத்தப்பட்டதும் , மிக அதிகமாக கொடுமைபடுத்தப்பட்டதுமான இனம் எதுவென்றால் அது யூத இனம் தான். அவர்கள் காலம் காலமாக யூதரல்லாத மற்ற இனத்தவரால் கொடுமைபடுத்தப்பட்டனர். அவர்கள் எங்கு சென்றாலும் அவர்கள் வெறுக்கப்பட்டனர். அது அவர்கள் இனம் தோன்றிய காலத்திலிருந்து அடுத்த நானூறு ஆண்டுகள் ஈராக்கில் கொடுமைபடுத்தப்பட்டதிலிருந்து நேற்றைய ஹிட்லரால் அழித்தொழிக்கப்பட்டதிலிருந்து இன்று சுற்றியுள்ள அரபு நாடுகளால் வெறுக்கப்படுவதுவரை என்றும் அந்த இனம் வெறுக்கவும் அழிக்கவும்பட்டது. யூதர்கள் தங்கள் ஒன்று விட்ட சகோதர்களான அரேபியர்களால் மட்டும் வெறுக்கப்பட்டதுமல்லாமல் அரேபியரல்லாத ஆரியரான ஹிட்லர் வரை அனைவராலும் வெறுக்கப்பட்டனர். இவ்வினம் ஒருவரல்லாமல் அனைவராலும் வெறுக்கப்பட பல காரணங்கள் . முக்கியமாக யூதர்கள் சிறந்த அறிவாளிகள் . அவர்கள் ஈடுபட்ட அனைத்து தொழிலிலும் வெற்றி பெற்றனர் . யாரும் நுழைய முடியாத இடத்திலும் அவர்களால் நுழைய முடிந்தது . எப்படியும் அவர்களால் காரியம் சாதிக்க முடிந்தது . அடுத்து யூதன் என்றால் அது ஒரு தனிமனிதனை குறிக்காது. அது மொத்தமாகவே அவ்வினத்தையே குறிக்கும் . அவர்கள் சாமி கும்பிடும்போது கூட நான் , எனது என்று கூறமாட்டார்கள் , நாம் , நமது என்றுதான் கூறுவார்கள் . ஒரு யூதன் ஒரு இடத்தில் நுழைந்து விட்டால் போதும் அடுத்த கொஞ்ச காலங்களில் அங்கு யூதர்கள் அதிகரித்துவிடுவார்கள் . இப்படி அவர்கள் தான் மட்டும் வளராமல் தம் இனத்தையே வளர்த்தார்கள் . இப்படி ஒரு இடத்தில் வெற்றி வாய்ப்பு அதிகம் என்றால் அங்கு யூதர்கள் அதிகரித்துவிடுவார்கள் .மேலும் அவர்கள் வட்டி தொழிலில் ஈடுபட்டார்கள். அதுவும் அவர்கள் மேல் வெறுப்பு வளரக் காரணம். மேலும் யூதர்கள் தங்கள் இனமே உலகில் உயர்ந்தது என்றும் , கடவுளின் விருப்பமான இனம் தங்கள் இனமே என்றும் , உலகில் மனித இனம் எப்படி நடந்து கொள்ளவேண்டும் என்பதற்கு கடவுள் தங்களை படைத்தார் என்றும் முழுமையாக நம்பினர்.

ஈசாக்கின் வழிவந்தோர் எகிப்தில் கொடுமைபடுத்தப்பட்டபோது அவர்கள் இறைவனின் கட்டளையின் பேரில் இறைதூதர் மோசசினால் மீட்கப்பட்டனர். இறைவன் மோசசின் மூலம் யூதர்கள் எப்படி நடந்துகொள்ள வேண்டும், அவர்களின் கடமைகள் என்ன, அவர்களின் இறை வழிபாடு எப்படி இருக்க வேண்டும் என்று அனைத்தையும் கூறினார். கடவுள் யூதர்களுக்கு பத்து கட்டளைகள் அளித்தார். இறைவனின் கட்டளைப் படி யூதர்களுக்கு கடவுள் ஒருவர்தான்.

யூத மதம் சடங்குகளும் சம்பிரதாயங்களும் நிறைந்தது. நிறைய வழிபாடுகளும் விழாக்களையும் கொண்டது. கடவுள் இப்பூவுலகததை படைத்தபோது உயிரினங்கள் உட்பட அனைத்தையும் முதல் ஆறு நாட்கள் படைத்தார் . ஏழாவது நாள் ஓய்வெடுத்தார். அதன்படி யூதர்கள் வாரத்தின் ஆறு நாட்கள் ஓய்வின்றி உழைப்பர் ஆனால் ஏழாவது நாளான சனியன்று மட்டும் யார் என்ன கூறினாலும் வேலை செய்ய மாட்டர். அன்று முழு ஓய்வு நாள் . அன்று சமையல் கூட கிடையாது. அன்றைக்கு தேவையான சமையலை முதல் நாளே செய்துவிடுவர் .

அவர்களின் அனைத்து சடங்குகளிலும் அவர்களின் முன்னோர் பட்ட துன்பங்கள் நினைத்து பார்க்கப்பட்டது. அது அவர்களின் அனைத்து விழாக்களிலும் முக்கிய சடங்காகவே இருக்கும் கல்யாண விழாக்கள் உட்பட.

சாலமன் ஆலயம் கடவுளின் கட்டளைப்படி சாலமன் அரசனால் கட்டப்பட்டது. இது கிமு 900 களில் கட்டப்பட்டது. பின் இது கிமு 586 இல் பாபிலோனியர்களால் இடிக்கப்பட்டது. பின் 70 ஆண்டுகள் கழித்து அதே இடத்தில் முன்பிருந்ததைவிட சிறிய அளவில் சாலமன் ஆலயம் கட்டப்பட்டது. பின் அது ரோமானியர்களால் 70 C.E இல் மீண்டும் அழிக்கப்பட்டது. ஏசு கிறிஸ்து மீது கூறப்பட்ட முக்கியமான குற்றச்சாட்டு அவர் சாலமன் ஆலயம் மீண்டும் அழிக்கப்படும் என்று தன் தீர்க்க தரிசனத்தால் கூறியது. அதுவே அவர் மீது முக்கிய குற்றச்சாட்டு. அதற்காகவே அவர் சிலுவையில் அறையப்பட்டார். அவர் கூறியபடியே சாலமன் ஆலயம் ரோமானியர்களால் அழிக்கப்பட்டது. இன்று ஜெருசலேத்தில் இருக்கும் அந்த ஆலயத்தின் இடிந்த சுவர் தான் யூதர்களின் ஆலயம். அந்த சுவரிடம் தான் அவர்கள் தங்கள் வேண்டுதல்களை கூறுகின்றனர் . இன்றுவரை யூதர்கள் தங்கள் தேவ தூதர் இம்மண்ணில் பிறப்பார் அவர் சாலமன் ஆலயத்தை மீண்டும் கட்டிக்கொடுப்பார் என்று நம்புகின்றனர்.

யூதர்களுக்கும் கிருஸ்துவர்களுக்கும் இருக்கும் முக்கிய வேறுபாடு , கிறிஸ்துவர்களைப் பொறுத்தவரை ஏசு கிறிஸ்து மரித்த மூன்றாம் நாள் உயித்தெழுந்தார். யூதர்களைப் பொறுத்தவரை அவர் உயித்தெழவில்லை. இதுவே முக்கிய வேறுபாடு.

யூதர்களைப் பொறுத்தவரை மோசஸ் தங்களை குடியேற்றிய இஸ்ரேலே உலகின் புனிதமான பூமி. அதனுள் ஜெருசலேமே புனிதமானது. அதனுள் புனிதமானது சாலமன் கோயில் .அதனுள் புனிதமானது Holy of Holiest .

யூதர்களே உலகில் புனிதமானவர்கள். அவர்களுள் லாவி இனத்தவர்களே புனிதமானவர்கள். அவர்களுள் பூசாரிகளே புனிதமானவர்கள். அவர்களுள் புனிதமானவர் தலைமை பூசாரி.

மொத்தம் 354 நாட்கள். அவற்றுள் புனிதமானது விடுமுறை நாட்கள். அதனுள் புனிதமானது சபாத் என்னும் விடுமுறை நாள் . அதனுள் புனிதமானது Sabaath of Sabaath என்னும் Day of Atonement.

உலகில் 70 மொழிகள் உள்ளன. அதனுள் புனிதமானது ஹீப்ரூ மொழி. அதனுள் புனிதமானது தோரா என்னும் புனித நூல். அதனுள் புனிதமானது 10 கட்டளைகள். அதனுள் புனிதமானது கடவுளின் பெயர்.

வருடத்தின் ஒரே ஒரு நாள் Day of Atonement இல் தலைமை பூசாரி Holy of Holiest இல் நுழைந்து கடவுளின் பெயரை கூறும் பகுதியே

புனிதத்திலும் புனிதமானது .

இப்படியாக இருந்த யூதர்கள் பின்னர் இஸ்ரேலிலிருந்து பல்வேறு காலகட்டங்களில் வெளியேறினர்/ வெளியேற்றப்பட்டனர். இப்படி வெளியேறி உலகின் பல்வேறு பகுதிகளில் பல நூற்றாண்டுகாலமாக யூதர்கள் வாழ்ந்தாலும் அவர்களின் நினைப்பு முழுவதும் இஸ்ரேலின் மீதே இருந்தது. அவர்கள் எங்கு எவ்வளவு காலம் வாழ்ந்தாலும் அவர்கள் தாங்கள் எப்படியும் ஒரு காலத்தில் இஸ்ரேலில் குடியேறுவோம் என்று முழுமனதாக நம்பினர். யூதர்களின் மீது பல நாடுகளுக்கு வெறுப்பு இருக்க மற்றொரு முக்கிய காரணம் அவர்கள் தாங்கள் குடியேறிய நாட்டின் மீது பற்று கொள்ளாமல் தங்கள் இனத்தின் மீதும் இஸ்ரேலின் மீதுமே அதிக பற்று கொண்டிருந்தனர்.

இப்படியாக தங்களுக்கு என்று ஒரு நாடு இல்லாமல் உலகின் பல்வேறு பகுதிகளில் இருந்த யூதர்கள் இரண்டாம் உலகப் போரின் முடிவில் பிரிட்டனின் தயவில் இஸ்ரேலைப் பெற்றனர். இன்றும் யூதர்கள் உலகின் எந்த மூலையில் இருந்தாலும் அவர்களுக்கு எந்த பிரச்சினை என்று இருந்தாலும் முதலில் உதவிக் கரம் நீட்டும் நாடு இஸ்ரேல். இந்தியாவில் மும்பையின் மீது தாக்குதல் நடந்தபோது யூத ஆலயத்தையும் தாக்கினர். அப்பொழுது இஸ்ரேல் தான் உதவிக்கு வரவா என்று கூறியது ஞாபகம் இருக்கலாம். அதே போல் உலகின் எந்த மூலையில் இருக்கும் யூதர்கள் இஸ்ரேலில் குடியேற விரும்பினால் இஸ்ரேல் அவர்களை அழைத்து இஸ்ரேலில் நிலம் குடுத்து அவர்களை குடியேற்றுகிறது.

உலகில் என்னை அதிகம் பரவசப்படுத்தும் மனிதர்கள் - 3

சச்சின் டெண்டுல்கர் :


சச்சின் டெண்டுல்கருக்கு அறிமுகமே தேவை இல்லை. இந்தியா உருவாக்கிய மிகச் சிறந்த விளையாட்டு வீரர்களில் ஒருவர். உலகம் உருவாக்கிய மிகச் சிறந்த கிரிக்கெட் வீரர்களில் ஒருவர் . ஒரு காலத்தில் சச்சின் அவுட் ஆகிவிட்டால் அனைவரும் டிவியை அணைத்துவிட்டு சென்றுவிடுவார்கள். அந்த அளவிற்கு விரும்பப்படுகிறவர். சச்சின் விளையாடும்போதெல்லாம் எங்கே அவுட் ஆகிவிடுவானோ என்று ஒரே பயமாக இருக்கும். இது மற்ற யாரும் விளையாடும் போது ஏற்படுவதில்லை . இதுவே சச்சினின் மீது இருக்கும் ஈடுபாட்டிற்கு சான்றாகும். எனக்கு சச்சினை பிடிக்க காரணம் அவர் வெறுமனே நன்றாக விளையாடுபவர் என்று மட்டுமே அல்ல, சச்சினின் நாட்டுப்பற்றே என்னை சச்சினின் பால் ஈர்ததாகும். சச்சின் தன்னை எப்பொழுதும் ஒரு இந்தியனாகவே முன்னிறுத்தி இருக்கிறார். தான் கிரிக்கெட் விளையாடுவதை விட தன் தாய் நாடாம் இந்தியாவிற்காக விளையாடுவதையே பெருமையாக கருதுவார். தன்னை உத்தவ்தாக்கரே போன்றோர் மராட்டியர் என்று முன்னிறுத்திய போதிலும் தான் இந்தியன் என்றே கூறுபவர். சச்சினுக்கு இணை யாரும் இல்லை. சச்சின் தான் எந்த அளவிற்கு இந்தியாவை நேசிக்கிறார் என்பது அவர் பின் கூறிய விதத்திலிருந்து அறியலாம். மும்பை 26/11 அப்புறம் சென்னையில் நடந்த இங்கிலாந்துக்கு எதிரான டெஸ்ட் போட்டியில் சென்சுரி அடித்தார். அப்பொழுது அவரிடம் நீங்கள் எப்படி உணர்கிறீர்கள் என்று கேட்ட போது நாட்டு மக்கள் மன வேதனையில் இருக்கும் இந்த நேரத்தில் அவர்கள் மனதில் சிறு அளவேனும் இந்த சென்சுரி மகிழ்ச்சியை கொடுத்தால் அதுவே எனக்குப் போதும் என்றார் . அதுதான் சச்சின். சச்சினுக்கு இந்தியாவின் மிக உயரிய civilian விருதான பாரத் ரத்னா விருது வழங்க வேண்டும் என்று கோரிக்கை பல இடங்களிலிருந்தும் எழுகிறது. அதற்க்கு எல்லா விதத்திலும் சச்சின் தகுதியானவர்.

தயான்சந்த் :


உலகின் மிகச் சிறந்த ஹாக்கி வீரர். இந்தியா உருவாக்கிய விளையாட்டு வீரர்களில் மிகச் சிறந்தவர். இவருடைய காலத்தில் இவராலையே இந்தியா ஹாக்கியில் அசைக்க முடியாத அணியாக இருந்தது . இவருடைய விளையாட்டு எப்படி இருக்குமென்றால் இவருடைய விளையாட்டை பார்த்த ஒரு முதியவர் நீ ஹாக்கி மட்டை வைத்திருப்பதால்தான் இப்படி விளையாடுகிறாய் முடிந்தால் என்னுடைய கைத்தடியை வைத்து விளையாட முடியுமா என்று கேட்டாராம் , அப்பொழுது தயான் சந்த் அவருடைய கைத்தடியை வைத்து மிகச் சிறப்பாக விளையாடினாராம். தயான்சந்த் அப்பொழுது இந்திய பிரிட்டிஷ் ராணுவத்தில் இருந்தார். இவருடைய திறமையை பார்த்த ஹிட்லர் தயான்சந்தை ஜெர்மனி வந்துவிடும்படியும் அவரை ஜெர்மானிய ராணுவத்தில் மிக உயர்ந்த பதவி அளிப்பதாகவும் கூறினார். ஆனால் தயான் சந்த் தான் இந்தியாவிற்காகவே விளையாடுவேன் என்று கூறிவிட்டார். தயான் சந்தின் திறமையை பாராட்டி ஆஸ்திரிய தலைநகரமான வியன்னாவில் தயான்சந்த்தின் நான்கு கைகளில் நான்கு ஹாக்கி மட்டைகள் இருப்பது போன்று சிலை வைக்கப்பட்டுள்ளது. இவருக்கு இந்தியா அரசு ஸ்டாம்ப் வெளியிட்டு சிறப்பித்துள்ளது.

கபில் தேவ் :


இந்தியா உருவாக்கிய மிகச் சிறந்த ஆல் ரவுண்டர். அரியானாவிலிருந்து வந்து இந்திய கிரிக்கெட்டின் முகத்தையே மாற்றியவர். இவருடைய தலைமையின் கீழயே இந்தியா 1983 இல் கிரிக்கெட் உலக கோப்பையை கைபற்றியது. அன்றைய கிரிக்கெட் உலகின் அசைக்க முடியாத அணியாக இருந்த மேற்கிந்திய தீவுகள் அணியை உலக கோப்பை இறுதிப் போட்டியில் வென்று கோப்பையை கைப்பற்ற காரணமானவர். மேற்கிந்திய தீவுகளுக்கு அடுத்து உலக கோப்பையை கைபற்றிய அணி என்ற பெருமையை ஏற்படுத்தியவர். டெஸ்ட் கிரிக்கெட் உலகில் மிக அதிக விக்கெட்டுகளை வீழ்த்தியவர் என்று பெருமையுடன் ஓய்வு பெற்றவர். இன்றும் டெஸ்ட் கிரிக்கெட்டில் 400 விக்கெட்டுகளுக்கு மேலாகவும் , 5000 ரன்களுக்கு மேலாகவும் சேர்த்த ஒரே கிரிக்கெட் வீரர் . விஸ்டன் பத்திரிக்கையால் 2002 ஆம் ஆண்டு Indian Cricketer of the Century என்று அறிவிக்கப்பட்டவர். எனக்கு பிடித்த விளையாட்டு வீரர்களில் ஒருவர்.

விஸ்வநாதன் ஆனந்த்:


இந்திய மூளையை உலகறியச் செய்தவர். இந்திய விளையாட்டு உலகம் உருவாக்கிய மிகச் சிறந்த விளையாட்டு வீரர்களில் ஒருவர் . இந்தியாவின் முதல் கிராண்ட் மாஸ்டர் . 2000 -2002 FIDE உலக செஸ் சாம்பியன், 2007 முதல் இன்று வரை undisputed World Champion. Knockout, Tournament, Match, Rapid and Blitz என்று பல வகைகளில் உலக சாம்பியன் ஆன ஒரே வீரர். உலக வரலாற்றில் FIDE rating இல் 2800 புள்ளிகளுக்கு மேல் பெற்ற 6 வீரர்களில் ஒருவர். கடந்த நவம்பர் மாதம் FIDE rating இல் உலகின் முதல் நிலை வீரர் என்ற பெருமையை பெற்றார். இந்தியாவில் விளையாட்டுத்துறைக்கு வழங்கப்படும் மிக உயரிய விருதான ராஜீவ் காந்தி கேல் ரத்னா விருதை பெற்ற முதல் வீரர், இந்தியாவின் civilian துறையில் வழங்கப்படும் இரண்டாவது மிக உயரிய விருதான பத்மா விபூசன் விருதை பெற்ற முதல் விளையாட்டு வீரர். எந்த ஒரு ஆர்ப்பாட்டமும் இல்லாத பெரிய மனிதர். இத்தனை தகுதி இருந்தாலும் எனக்கு இவரிடம் மிகவும் பிடித்தது இவருடைய நாட்டுப்பற்று. இவரின் திறமையை பார்த்து எத்தனையோ பணக்கார நாடுகள் இவரை தங்கள் நாட்டுக் குடியுரிமையைப் பெற்று தங்கள் நாட்டுக்காக விளையாட அழைக்கின்றன. இருந்தபோதிலும் தான் இந்தியாவிற்காகவே விளையாடுவேன் என்று விளையாடுபவர். HatsOff விஸ்வநாதன் ஆனந்த்.

ஜெய் சங்கர்:


தென்னகத்து ஜேம்ஸ் பான்ட். மக்கள் கலைஞன். எனக்கு மிக பிடித்த தமிழ் நடிகர். இவருடைய நடிப்பு இயல்பாக இருக்கும் என்பதைவிட இவர் மேற்கொண்ட மக்கள் பணிகளே என்னை இவர்பால் ஈர்த்தது. திரைத்துறையிலிருந்து மக்கள் பணிகளை எந்த ஒரு ஆர்ப்பாட்டமும் இல்லாமல் மேற்கொண்டவர். இவருடைய அனைத்து சொந்த விசேசங்களையும் ஆதரவற்றோர் இல்லங்களிலும், முதியோர் இல்லங்களிலும் நடத்தியவர். டூப் நடிகர்களின் உயிரும் விலைமதிப்பற்றதுதானே என்று கூறி டூப் இல்லாமல் நடித்த முதல் கதாநாயகன். எந்த ஒரு இமேசிலும் தன்னை பொருத்திக் கொள்ளாதவர். மிகப் பெரிய கதாநாயகனாக நடித்த பிறகு எந்த ஒரு இமேஜை பற்றி கவலைப்படாமல் முரட்டுக்காளையில் வில்லனாக நடித்தார். அதற்கப்புறம் கிட்டத்தட்ட 180 படங்களில் வில்லனாகவும், குணச்சித்திர நடிகனாகவும் நடித்தார். இவருக்கு அப்புறமே மற்ற பெரிய கதாநாயகர்கள் தங்கள் கடைசி காலத்தில் குணச்சித்திர நடிகர்களாக நடித்தவர். எனக்குப் பிடித்த மக்கள் கலைஞன். என்னைப் பொறுத்தவரையில் இவருக்கும் இந்தியா அரசு ஸ்டாம்ப் வெளியிட வேண்டும்.

சாய்னா நேவால் :


என்னைப் பரவசபடுத்தும் மனிதர்களில் சமீபத்தில் சேர்ந்தவர். இன்றைய இளைய இந்தியாவின் விளையாட்டு முகமாக இருப்பவர். எந்த ஒரு ஆர்ப்பாட்டமும் இல்லாமல் முன்னேறியவர். இறகு பந்து போட்டியில் இந்தியர் எவரும் எட்டாத சிகரத்தை எட்டியவர். இறகு பந்து போட்டியின் Grand Slam ஆன நான்கு super serious வென்றவர். அவை Indonesia Super Series 2009, Singapore Super Series 2010, Indonesia Super Series 2010, Hong Kong Super Series 2010 ஆகும். 2010 ஆம் ஆண்டு ராஜீவ் காந்தி கேல் ரத்னா விருது பெற்றார். தற்போது தரவரிசையில் உலக அளவில் 2 வது இடம் வகிக்கிறார். 2010 ஆம் ஆண்டு commonwealth games இல் தங்கம் வென்று கடைசி நிமிடத்தில் இந்தியா பதக்கப் பட்டியலில் இரண்டாம் இடம் பெறக்காரணம் ஆனார். ஒலிம்பிக்கில் காலிறுதி சென்ற ஒரே இந்திய வீரர். நான் தற்போது அதிகம் விரும்பும் மனிதர்களில் ஒருவர்.

P.S :

We do the things at new year day which we like to do through out the year (as far as me through out my life). For that I have spared this blog post to post esp on this new year day. I can proudly say that I get immense pleasure in blogging. I want that to continue in this new year and thorough out my life also :-)...

உலகில் என்னை அதிகம் பரவசப்படுத்தும் மனிதர்கள் - 2

பேரரசர் ராஜராஜ சோழன் :

இன்றும் தமிழகத்தை உலக அளவில் பெருமைபடுத்தக்கூடிய பேரரசன் ராஜராஜ சோழனே ஆவான். இவனுடைய ஆட்சி காலத்தில் தமிழகம் பல சிறப்புகளை பெற்றது. ராஜராஜ சோழன் பல படையெடுப்புகளை மேற்கொண்டு சோழப் பேரரசை விஸ்தீகரித்தாலும் என்னை அதிகம் கவர்ந்தது அவனுடைய நிர்வாகத் திறமையே ஆகும். அவன் தன் நாட்டில் நடைபெற்ற சிறு சிறு நடவடிக்கைகளையும் நேரடியாக கண்காணித்தான். உலகிலயே மிகப் பெரிய இந்து சாம்ராஜ்யத்தை இவன் மகன் ராஜேந்திர சோழன் காலத்தில் அமைக்க அடிகோலினான். இவனுடைய ஆட்சி காலத்திலேயே கப்பற் படையின் முக்கியத்துவம் உணரப்பட்டது. ஆசியாவிலேயே மிகச் சிறந்த கப்பற்படையை நிர்மாணித்தான். பொதுவாக மௌரிய,மகத, முகலாயப் பேரரசுகள் இந்தியப் பேரரசை மேற்கே ஆப்கானிஸ்தானிலிருந்து கிழக்கே பர்மாவின் எல்லைவரையே விஸ்தீகரித்தனர் . ஆனால் இவனுடைய ஆட்சி காலத்தில்தான் கடல் கடந்து கிழக்கே இன்றைய மலேயா, இந்தோனேசியா வரை இந்தியப் பேரரசு விரிந்தது. தமிழக கட்டிடக் கலைக்கு சிறந்த சான்றாக விளங்கும் தஞ்சை பெரிய கோயிலை கட்டினான். மேலும் நாடு முழுவதும் பல சிவாலயங்களை கட்டினான் . மேலும் இவனைப் பற்றி அறிய என் ராஜராஜ பெருவேந்தன் என்னும் பதிவைக் காணவும்.

பேரரசர் அக்பர் :


பேரரசர் ஜலாலுதீன் முகம்மது அக்பர். முகலாயப் பேரரசின் மிகச் சிறந்த பேரரசர். நான் இங்கு அக்பரின் படை எடுப்புகளைப் பற்றியோ அல்லது அவரது வெற்றிகளைப் பற்றியோ பேசப் போவதில்லை . எனக்கு அக்பரைப் பிடிக்கக் காரணம் அவருடைய முன்னோர்களான மற்ற இஸ்லாமிய அரசர்களும் , சுல்தான்களும் இஸ்லாம் தவிர்த்த மற்ற மதங்களின் மீது முக்கியமாக இந்து மதத்தின் மீது வெறுப்பும் , அவற்றை அழிக்க வேண்டும் என்றும் , அவற்றின் வழிபாட்டுத்தலங்களை அழித்துக் கொண்டும் இருந்த போது அக்பர் ஒருவர்தான் மற்ற மதங்களின் மீது சகிப்புத்தன்மையை கொண்டிருந்தார். அக்பரும் ஆரம்ப காலத்தில் சில இந்து கோயில்களை அழித்தார், பின் முஸ்லிம் அல்லாதவர்களின் மீது விதிக்கப்பட்டிருந்த ஜிஸ்யா வரியை நீக்கினார். பின் சிறிது காலம் கழித்து மீண்டும் ஜிஸ்யா வரியை கொண்டு வந்தார் . பின் கடைசியாக அந்த வரியை நீக்கினார். இப்படி இந்துக்களுக்கு எதிராக சில நடவடிக்கைகளை எடுத்திருந்தாலும் அவர் பொதுவாக மற்ற சமயங்களின் மீது சகிப்புத்தன்மை கொண்டிரிருந்தார். இந்துக்களுடன் இணைந்து வாழ வேண்டிய அவசியத்தை உணர்ந்தார். அவருடைய அரசவையில் மற்ற முஸ்லிம் மன்னர்களைப் போல் அல்லாமல் நிறைய ராஜபுத்திரர்களுக்கு முக்கியத்துவம் அளித்தார். மற்ற கொடுங்கோல் முஸ்லிம் பேரரசர்களைப் போல் அல்லாமல் அக்பரின் ஆட்சியில் இந்துக்களும் , முஸ்லிம் அல்லாத மற்ற சமயத்தினரும் அமைதியாகவே வாழ்ந்தனர். இந்துகளில் இருந்த பல மூடத்தனங்களுக்கு தடை விதித்தார். அதில் ஒன்று சதி என்னும் உடன்கட்டை ஏறுதல். அவர் ஒருகட்டத்தில் இந்துவாக மாறி விடுவாரோ என்று மத்த முஸ்லீம்கள் என்னும் வகையில் அவருடைய சகிப்புத்தன்மை இருந்தது. அவர் இந்துக்களும் முஸ்லீம்களும் இணைந்து வாழ தீன்-இலாகி என்னும் புது மதத்தை உருவாக்கினார். ஒரு தடவை மராட்டிய சக்ரவர்த்தி சிவாஜி முகலாயப் பேரரசர் அவ்ரங்கசீப்புக்கு எழுதிய கடிதத்தில் அவ்ரங்கசீப் தன் தாத்தா அக்பர் போன்று சமய சகிப்புத்தன்மையுடன் இருக்க வேண்டும் என்று எழுதி இருந்தார். அந்த அளவிற்கு அக்பர் சமய சகிப்புத்தன்மையுடன் இருந்தார்.

நரசிம்ம ராவ் :

இவர் என்னுடைய பட்டியலில் அமைந்திருப்பது உங்களுக்கு ஆச்சரியம் அளிக்கலாம். நான் இவரை என்னை பரவசப்படுத்தும் மனிதர் என்று கூறுவது சற்று மிகையாக இருக்கலாம். ஆனால் இந்தியாவின் வரலாற்றில் மிக முக்கிய இடம் அளிக்கப்படவேண்டியவர். இவருக்கான உரிய இடத்தை நாம் அளிக்கவில்லை என்பது என்னுடைய எண்ணமாகும். 14 மொழிகள் தெரிந்த வித்தகர். சிரிக்காத பிரதமர் என்று பெயர் எடுத்தவர். இருந்தபோதிலும் இன்று இந்தியா உலகிலேயே இரண்டாவது வேகமாக வளரக்கூடிய நாடாகவும், உலகில் வளர்ந்து வரும் பேரரசாக இருப்பதிற்கு அடிகோலியவர். 1990 களில் இவருடைய அரசு பெரும்பான்மை பெறாத அரசாகவே இருந்தது. அப்படி இருந்தும் கம்யூனிஸ்டுகளின் எதிர்ப்பையும் மீறி இந்திய சந்தையை திறந்து விட்டார். சீனா 1970 களின் ஆரம்பத்திலேயே செய்த நடவடிக்கைள் இவராலயே நமக்கு 1990 களில் சாத்தியமானது. இவருடைய பொருளாதார சீர்திருத்தங்களின் பயனையே நாம் இன்று அனுபவிக்கிறோம்.

A.P.J. அப்துல் கலாம் :

மக்களின் ஜனாதிபதி என்று பெயர் எடுத்தவர். ஜனாதிபதிக்கான இலக்கணத்தையே மாற்றியவர். அதுவரை மக்களைப் பார்த்து வெறுமனே கை ஆட்டிச் செல்லும் முந்தய ஜனாதிபதிகளின் வழக்கத்தை மாற்றி மக்களுடன் மக்களாக கலந்தவர். இந்தியாவின் அக்னி ஏவுகணையின் தந்தை. போக்ரான் அணுகுண்டு சோதனைக்கு மூளையாக இருந்தவர். இவர் ஜனாதிபதியாக ஆவதற்கு முன்பே மக்களின் மனதில் இடம் பிடித்தவர். அதனாலையே வாஜ்பாய் தலைமையிலான அரசு இவரை ஜனாதிபதியாக ஆக்கியது. தான் செல்லும் இடங்களிலெல்லாம் மாணவர்களை சந்தித்து அவர்களை ஊக்கம் ஊட்டியவர். 2020 இல் இந்தியா வல்லரசாக வேண்டும் என்று கனவு காண்பவர். ஜனாதிபதி பதவியை கொண்டு நாட்டை முன்னேற்ற தன்னால் ஆன அனைத்து காரியங்களை செய்த ஒரே ஜனாதிபதி. அப்பழுக்கற்றவர். இவருடைய நாட்டுப்பற்று குற்றம் குறை கூற முடியாத ஒன்று. ஒரு இந்தியன் எப்படி இருக்க வேண்டும் என்பதற்கு எடுத்துக்காட்டாக விளங்குபவர். இந்தியாவின் civilian துறையில் வழங்கப்படும் மிக உயரிய விருதான பாரத் ரத்னா விருதை பெற்றவர் . வெளிநாட்டவர்கள் இந்திய பிரதமராகக் கூடாது என்று இவர் கூறியதாலையே சோனியா காந்தி பிரதமராக முடியவில்லை என்று கூறுவோரும் உண்டு.

டாடா குடும்பம்:

எனக்கு டாடா குடும்பமே ரொம்ப பிடிக்கும். டாடா குடும்பம் நேர்மைக்கு பெயர் பெற்றது. அவர்கள் என்றைக்குமே இந்தியாவையே முன்னிறுத்தியவர்கள். இந்தியாவின் தொழில் வளர்ச்சிக்கு முன்னோடிகள். அவர்கள் என்றுமே குறுக்கு வழியில் செல்லாதவர்கள் என்று பெயர் பெற்றவர்கள். சிறிது நாட்களுக்கு முன் கூட ரத்தன் டாடா தாங்கள் மீண்டும் விமான சேவை தொடங்க எண்ணியபோது அப்போது விமானத்துறை அமைச்சராக இருந்தவர் எங்களிடம் 15 கோடி லஞ்சம் கேட்டார். லஞ்சம் கொடுக்க விரும்பாததாலையே நாங்கள் விமான சேவை தொடங்குவதை கைவிட்டோம் என்றார். இவ்வாறு டாடா என்றுமே நேர்மைக்கு பெயர் பெற்றவர்கள். அவர்களின் இந்திய நாட்டுப்பற்று குற்றம் குறை கூற முடியாதது.

மகாகவி பாரதி :


பாட்டுகொரு பாரதி . தன் தீக்கங்கும் பாடல்களின் மூலம் விடுதலை உணர்வை மூட்டிய மகாகவி. பாரத மாதாவின் மேல் மிகப் பெரிய பற்று கொண்டவர். அவர் தன்னுடைய சொந்த வாழ்க்கையில் பல இன்னல்களையும் சந்தித்தாலும் தன் சுதந்திர உணர்வில் எந்த ஒரு compromise உம் செய்து கொள்ளாதவர். தன் தாய் மொழியாம் தமிழின் மேல் மிகப் பெரிய பற்று கொண்டவர். தன் தமிழ் மொழி மிகச் சிறந்த மொழி என்று ஆழமாக கருதியவர். தெலுகு, பெங்காலி, ஹிந்தி, சமஸ்கிரதம், கட்சி, பிரெஞ்சு மற்றும் ஆங்கில மொழி தெரிந்தவர். பல மொழிகளிலிருந்து தமிழுக்கு பல நூல்களை மொழி பெயர்த்தவர். அவர் நாட்டுப்பற்றை மட்டும் ஊட்டியதோடல்லாமல் சமுதாயத்தில் விளங்கிய சீக்குகளையும் சாடினார். மிகச் சிறந்த நாட்டுபற்று பாடல்களையும், சமுதாயப் பாடல்களையும், குழந்தைகளுக்கான பாடல்களையும், கர்நாடக சங்கீதத்திற்கான பாடல்களையும் பாடினார். மக்கள் கவிஞராக இருந்த பாரதியின் இறுதி யாத்திரையில் 14 பேரே கலந்துகொண்டது துரதிஷ்டவசமானது.

பாண்டிய பேரரசர்கள் :

நான் மதுரைக்காரன் என்பதால் எனக்கு இயல்பாகவே பாண்டியர்கள் மீதும் , மதுரை மண்ணின் மீதும் ஈர்ப்பு உண்டு. தமிழ்நாட்டை ஆண்ட முப்பெரும் வேந்தர்களில் ஒருவர். சங்கம் வைத்து தமிழ் வளர்க்க பாடுபட்டவர்கள். இவர்களின் ஆட்சியில் தமிழ் நன்கு வளர்ந்தது.

உலகில் என்னை அதிகம் பரவசப்படுத்தும் மனிதர்கள் - 1

நான் முன்பே கூறியது போல இந்த உலகில் சில மனிதர்களைப் பற்றி பேசும்போதே எனக்கு பரவசம் பொங்கும். அவர்களைப் பற்றி திரும்ப திரும்ப கேட்க வேண்டும் பார்க்க வேண்டும் என்று தோன்றும். அவர்களைப் பற்றிய சிறிய சிறிய செய்திகளும் பரவசம் தரும். எனக்கு முக்கியமாக ஒருவரைப் பிடித்திருக்க வேண்டுமென்றால் அதுக்கு முக்கிய criteria அவர்கள் இந்தியாவிற்காக நல்லது செய்திருக்க வேண்டும் , தாங்கள் இந்தியர் என்பதில் பெருமிதம் கொள்ள வேண்டும். அத்தகையவர்களே எனக்கு ரொம்ப பிடிக்கும். இந்தியாவில் இருந்துகொண்டே இந்தியாவிற்காக எதுவும் செய்யாமல் முக்கியமாக தங்களை இந்தியர் என்று சொல்வதில் பெருமிதம் கொள்ளாவிட்டால் அவர்கள் எப்படிப்பட்டவர்கள் ஆனாலும் எனக்குப் பிடிக்காது. அத்தகையோர் பட்டியலே கீழே . இதில் இந்தியர் தவிர வேறு வெளிநாட்டவர் இடம் பெறாததில் வியப்பில்லை. நான் இங்கும் இடும் பட்டியல் வரிசைகிரகமாக இல்லை .

சர்தார் வல்லபாய் படேல் :


இந்தியாவின் இரும்பு மனிதர். தனி மனிதராக இந்தியாவை ஒருங்கிணைத்த மாமனிதர். இவர் இல்லையேல் இந்தியா இன்று துண்டு துண்டாகத்தான் இருந்திருக்கும். இந்தியாவின் முதல் உள்துறை அமைச்சராகவும் , முதல் துணை பிரதமராகவும் இருந்தவர். இந்திய பிரிவினையின் போது கிட்டத்தட்ட 600 க்கும் மேற்பட்ட தனி ராஜ்ஜியங்கள் இருந்தன. அவற்றில் 565 ராஜ்ஜியங்கள் இந்தியாவில் இருந்தன. அவற்றை எல்லாம் இந்தியாவில் இணைக்க வழிகோலினார். இந்த 565 ராஜ்ஜியங்களில் ஜுனாகத், ஹைதராபாத் மற்றும் காஷ்மீர் மட்டும் இந்தியாவில் இணைய மறுத்தன. இவற்றில் ஜுனாகத் பாகிஸ்தானுடன் இணையவும், ஹைதராபாத் தனியாக இருக்கவோ அல்லது பாகிஸ்தானுடன் இணையவோ இருந்தன. காஷ்மீர் தனி சுதந்திரம் பெற்ற நாடாக இருக்க விரும்பியது. இவற்றில் ஜுனாகத் மற்றும் ஹைதராபாத்தில் சுல்தான்கள் முஸ்லீம்களாகவும் மக்களில் 80% க்கும் மேல் இந்துக்களாகவும் இருந்தனர். ஜுனாகத்தும் ஹைதராபாத்தும் பாகிஸ்தானிலிருந்து வெகு தொலைவில் வேற இருந்தன . இருந்தபோதும் அந்த சுல்தான்கள் பாகிஸ்தானுடன் இணைய விரும்பினர். பிரிட்டிஷ் ராஜ்ஜியம் இந்த தனி ராஜ்ஜியங்களை தங்கள் இஷ்டப்படி பாகிஸ்தானுடனோ , இந்தியாவுடனோ இணையவோ அல்லது தனி சுதந்திரம் பெற்ற நாடாகவோ இருக்க அனுமதித்திருந்தது. இப்படி சட்டம் இந்த சுல்தான்களுக்கு சாதகமாக இருந்தபோதிலும் மக்களின் நலனையும் அவர்களின் ஏகோபித்த ஆதரவையும் கருத்தில் கொண்டு சர்தார் இந்த சுல்தாகளை இந்தியாவுடன் இணைய கோரினார். அவர்கள் மறுத்தபோது ராணுவத்தை அனுப்பி அவர்களை வழிக்கு கொண்டு வந்தார். இத்தகைய தைரியம் நேருவிக்கே கிடையாது. நேரு இத்தகைய ராணுவ நடவடிக்கைக்கு ஒப்புதல் தரமாட்டார் என்பதாலையே நேரு ஐரோப்பிய பயணம் மேற்கொண்டிருந்தபோது acting prime minister ஆக இருந்து ஹைதராபாத்திற்கு ராணுவத்தை அனுப்பி அதனை இந்தியாவுடன் இணைத்தார்.

பாகிஸ்தான் காஷ்மீரில் அத்துமீறி நுழைந்தபோது அதனை தடுக்க உடனே ராணுவத்தை அனுப்பவேண்டும் என்று கூறினார். ஆனால் நேருவும் , மவுண்ட்பேட்டனும் காஷ்மீர் மன்னர் இந்தியாவுடன் இணைவதாக ஒப்பந்தத்தில் கையெழுத்துப் போடும்வரை காத்திருக்கச் சொன்னார்கள். இந்தியா காஷ்மீருக்கு ராணுவத்தை அனுப்பிய போது பாகிஸ்தானும் காஷ்மீரின் பாதி பகுதிகளை ஆக்கிரமித்திருந்தது. அப்பொழுது நேரு இவ்விசயத்தை ஐநாவிற்கு கொண்டு சென்ற போது படேல் அதனை கடுமையாக எதிர்த்தார். படேல் நம் ராணுவத்தை வைத்தே நாம் முழு காஷ்மீரை கைபற்றிவிடலாம் என்று கூறினார். ஆனால் படேலின் எதிர்ப்பையும் மீறி நேரு இவ்விசயத்தை ஐநாவிற்கு கொண்டு சென்றார். அப்பொழுது ஐநா யார் யார் எவ்வளவு இடத்தை ஆக்கிரமித்துல்லார்களோ அவ்விடங்கள் அவரவருக்கு என்று கூறி விட்டது. அதனால் பாதி காஷ்மீர் பாகிஸ்தானுக்குச் சென்று விட்டது. நேரு மட்டும் படேலின் பேச்சை கேட்டிருந்தால் இந்நேரம் முழு காஷ்மீரும் இந்தியாவுடன் இருந்திருக்கும். மேலும் சுதந்திரம் பெற்றபோது இந்திய அரசு பிரிவினைத்தொகையாக 55 கோடி ரூபாயை பாகிஸ்தானுக்கு கொடுக்க வேண்டி இருந்தது . அத்தொகையை பாகிஸ்தானுக்கு கொடுக்க கூடாது என்று படேல் கடுமையாக எதிர்த்தார் . ஏனென்றால் அப்பணத்தை பாகிஸ்தான் காஷ்மீரில் இந்தியாவிற்கு எதிராக பயன்படுத்தும் என்பதால். ஆனால் அப்பொழுது காந்தி அப்பணத்தை பாகிஸ்தானுக்கு கொடுக்க வேண்டும் என்று சாகும் வரை உண்ணாவிரதம் இருந்தார். அதனால் அப்பணத்தை பாகிஸ்தானுக்கு கொடுக்கவேண்டி வந்தது . படேல் சொன்னது போலவே பாகிஸ்தான் அப்பணத்தை இந்தியாவிற்கு எதிராக காஷ்மீரில் பயன்படுத்தியது. இப்படி பல விசயங்களில் படேலின் பேச்சை கேட்காததாலையே இந்தியா இன்றும் கஷ்டப்படுகிறது. படேல் மட்டும் நேருவிற்கு பதிலாக பிரதமராக ஆகி இருந்தால் இந்நேரம் இந்தியா எவ்வளவோ நன்றாக இருந்திருக்கும். இது நான் மட்டுமே கூறுவது அல்ல இந்தியாவின் முன்னால் ஜனாதிபதி ராஜேந்திர பிரசாத் மற்றும் J.R.D.டாட்டா போன்றோரும் இதே கருத்தை கொண்டிருந்தனர்.

பீல்ட் மார்ஷல் சாம் மானக்சா :

சாம் பகதூர் என்று அழைக்கப்படும் சாம் மானக்சா பஞ்சாப் அமிர்தசரசில் பார்சி பெற்றோருக்குப் பிறந்தார். தன்னுடைய 40 வருட ராணுவ சேவையில் இரண்டாம் உலகப் போர், 1947 இந்தியா பாகிஸ்தான் போர் , இந்திய சீனப் போர் , 1965 இந்திய பாகிஸ்தான் போர் , 1971 வங்கதேசப் போர் ஆகிய போர்களில் பங்கேற்றவர். இரண்டாம் உலகப் போரில் இவருடைய பணி மிகவும் பாராட்டப்பட்டது. மானக்சா இத்தனை போர்களில் பங்கேற்றாலும் அவர் மிகப் பெரிய புகழ் பெற்றது 1971 வங்கதேசப் போர் ஆகும். வங்கதேசப் போரின் போது மானக்சா இந்தியாவின் எட்டாவது ராணுவத் தளபதியாக இருந்தார். அவருடைய வழிகாட்டுதலின் பேரில் இப்போரில் இந்தியா மிகப் பெரிய வெற்றி பெற்றது. தற்காலங்களில் நடைபெற்ற போரில் இப்போரே மிக குறுகிய காலத்தில் முடிந்த போராகும். இரண்டாம் உலகப் போருக்குப் பிறகு மிக அதிக ராணுவ கைதிகள் சிறைபட்ட போராகும் . கிட்டத்தட்ட 90,000 பாகிஸ்தான் ராணுவத்தினர் சரணடைந்தனர். இவருடைய பணியைப் பாராட்டி இந்திய அரசு இவருக்கு மிக உயரிய பட்டமான பீல்ட் மார்ஷல் பட்டத்தை அளித்தது . இப்பட்டத்தைப் பெற்றவர்கள் இரண்டே இரண்டு பேர்தான். ஒருவர் பீல்ட் மார்ஷல் கரியப்பா. இன்னொருவர் மானக்சா. மானக்சா 1971 போரின் முடிவில் எந்த அளவிற்கு மக்களிடம் புகழ் பெற்றிருந்தார் என்றால் , அப்பொழுது பிரதமராக இருந்த இந்திரா காந்தி எங்கே மானக்சா ராணுவப் புரட்சியின் மூலம் ஆட்சியைப் பிடித்துவிடுவாரோ என்று பயப்படுமளவுக்கு மானக்சா மக்களிடம் புகழ் பெற்றிருந்தார்.

இந்திரா காந்தி :

இந்தியாவின் அசைக்க முடியாத பிரதமராக இருந்தவர். இந்தியாவின் உறுதியான பிரதமராக இருந்தவர். இந்திரா காந்தி அவருடைய தந்தையான நேருவை விட பல விதங்களில் மாறுபட்டவர். இந்திரா காந்தி நேருவைப் போல் அல்லாமல் பல விசயங்களில் உறுதியான முடிவெடுத்தவர். இந்திரா காந்தியின் பல நடவடிக்கைகள் இந்தியாவில் மட்டுமல்லாமல் இந்த துணைக்கண்டத்திலேயே மிக ஆழமான விளைவுகளை ஏற்படுத்தியது. அவர் பல நடவடிக்கைகளை துணிந்து எடுத்தவர். என்னைப் பொறுத்தவரையில் இந்திய சீனப் போரின் போது நேரு அல்லாமல் இந்திரா காந்தி பிரதமராக இருந்திருந்தால் நிச்சயம் அந்தப் போரின் முடிவு மாறி இருந்திருக்கும் அல்லது இத்தகைய படு தோல்வியை இந்தியா பெற்றிருக்காது. வங்கதேசப் போரில் இந்தியா பங்கெடுக்க வேண்டும் என்று அவர் எடுத்த முடிவு மிகத் துணிச்சலான ஒன்று. நிச்சயம் நேரு இத்தகைய முடிவெடுத்திருக்க மாட்டார். ஏனெனில் அதற்கு முன் நடைபெற்ற இந்திய பாகிஸ்தானியப் போரிற்கும் இப்போரிற்கும் மிக முக்கிய வித்யாசம் உண்டு. அது என்னவென்றால் இப்போரில் பாகிஸ்தான் முதலில் இந்தியாவுடன் நேரடியாக போர் தொடுக்கவில்லை . இப்போர் முதலில் பாகிஸ்தானின் உள்நாட்டுப் போராகவே இருந்தது. மேற்குப் பாகிஸ்தான் , கிழக்குப் பாகிஸ்தானின் மீது போர் தொடுத்தது. போர் என்பதைக்காட்டிலும் அட்டூழியம் பண்ணியது. பல பெண்கள் கற்பழிக்கப்பட்டனர். இதனால் லட்சக்கணக்கான மக்கள் கிழக்கு பாகிஷ்தானிலிருந்து இந்தியாவிற்குள் தஞ்சம் புகுந்தனர். பிற நாட்டின் பிரிவினை விரும்பாதது இந்தியாவின் கொள்கையாக இருந்த போதிலும் இந்தியா கிழக்குப் பாக்கிஸ்தானிற்கு ஆதரவாக போரில் இறங்கியது மிக முக்கிய நடவடிக்கையாகும். இப்போரில் நிச்சயம் பாகிஸ்தானிற்கு ஆதரவாக அமெரிக்க என்னும் மிகப் பெரிய பேரரசு போரில் இந்தியாவிற்கு எதிராக குதிக்கும் என்று தெரிந்த போதிலும் இந்தியா இப்போரில் குதித்தது. அமெரிக்காவிற்கு எதிராக அப்போதைய சோவியத் பேரரசின் ஆதரவை பெற்றது இந்திரா காந்தியின் அரசியல் ராஜதந்திரத்தை காட்டியது. இதன் மூலம் பாகிஸ்தான் என்னும் நம் எதிரியை இரண்டாகப் பிரித்தார். பங்களாதேஷ் மக்களுக்கு எதிரான மனித உரிமை மீறல்களை தடுத்து நிறுத்தினார். பங்களாதேஷ் என்னும் நாடு உருவாகியது.

அவர் பிரதமராக இருந்த காலத்தில் இலங்கையில் நடந்த தமிழர்களுக்கெதிரான படுகொலைகளை , இனப் படுகொலைகள் என்று வர்ணித்தார். இந்திரா காந்தி மட்டும் இறக்காமல் இருந்திருந்தால் நிச்சயம் இலங்கை தமிழர்களுக்கு தனி ஈழம் மலர்ந்திருக்கும். சோவியத் பேரரசுடன் 20 வருட ஒப்பந்தம் போட்டுக்கொண்டார். இதன் மூலம் இந்தியாவின் தொழில் வளர்ச்சிக்கு வித்திட்டார். இதன் மூலம் ராகேஷ் சர்மா விண் வெளிக்குச் சென்றார் . இந்தியா சுதந்திரம் பெற்ற போது இந்தியாவுடன் இணைய ஒப்புக் கொண்ட தனி ராஜ்ஜிய மன்னர்களுக்கு பென்ஷன் வழங்க ஒப்புக்கொண்டது. இந்திரா காந்தி பிரதமராக ஆன பிறகு வெள்ளை யானைக்கு தீனி போல அளிக்கப்பட்டுக் கொண்டிருந்த இந்த பென்சனை நிறுத்தினார்.

அதே போல் இந்திரா காந்தி தீவிரவாதத்திற்கெதிராக மிகத் தீவிர நடவடிக்கை எடுத்தார். அவர் காலத்தில் பஞ்சாப்பை இந்தியாவிலிருந்து தனியாகப் பிரிக்க வேண்டும் என்று காலிஸ்தான் தீவிரவாத இயக்கம் உருவாகியது. அவர்கள் அமிர்தசரஸ் பொற்கோயிலில் பதுங்கி இருந்தனர். அவர்களை அழிக்க ராணுவத்தை பொற் கோயிலிற்குள் செல்ல உத்தரவிட்டார். இதன் மூலம் காலிஸ்தான் இயக்கம் முற்றிலும் அழிக்கப்பட்டது. இந்த நடவடிக்கை அவரது உயிருக்கே உலை வைத்தது. என்னைப் பொறுத்தவரை இந்திரா காந்தி இன்று இருந்திருந்தால் காஷ்மீர் பிரச்சினை எல்லாம் எப்பொழுதே முடிந்திருக்கும்.

எல்லாவற்றிக்கும் மேலாக இந்திரா காந்தி 1974 இல் மேற்கொண்ட "புத்தர் சிரித்தார்" என்னும் அணு ஆயுத சோதனையே உலக அளவில் மிக அதிர்ச்சியான விளைவுகளை ஏற்படுத்தியது. அது உள்நாட்டு தொழில்நுட்பத்தைக் கொண்டு மேற்கொண்ட அணு ஆயுத சோதனை ஆகும். இத்தகைய சோதனையை செய்ய மிகத் துணிச்சல் வேண்டும். அந்த துணிச்சல் இந்திரா காந்திக்கு மட்டும்தான் இருந்தது . இது எந்த அளவிற்கு துணிச்சலான பெரிய செயல் என்றால் , அப்பொழுது ஐநாவின் பாதுகாப்பு சபையில் நிரந்தர உறுப்பு நாடுகளாக இருந்த அமெரிக்கா, சோவியத் யூனியன், பிரிட்டன், பிரான்ஸ் மற்றும் சீனாவிற்கு அடுத்து அணு ஆயுத சோதனை செய்த ஒரே நாடு இந்தியாதான். இது எந்த அளவிற்கு உலகில் விளைவுகளை ஏற்படுத்தியது என்றால், இந்தியாவின் இந்த சோதனைக்கு அடுத்தே அணு தொழில்நுட்பம் வேறு நாடுகளுக்குச் செல்லமால் இருக்க Nuclear Suppliers Group ஆரம்பிக்கப்பட்டது.

இந்திரா காந்தியைப் பற்றி கடும் விமர்சனங்கள் எழாமல் இல்லை. அவரைப் பற்றி முக்கியமான கடும் விமர்சனம் அவருடைய emergency நடவடிக்கையாகும். அதேபோல் ரூபாயின் மதிப்பை குறைத்ததும் மிக தீவிரமான விளைவுகளை ஏற்படுத்தியது. ஆனால் என்னைப் பொறுத்தவரை அவருடைய emergency நடவடிக்கை சரியான ஒன்றுதான். அக்காலங்களில்தான் இந்தியாவில் அனைத்து நடவடிக்கைகளும் ஒழுங்காக நடந்தன. என்னைப் பொறுத்தவரை இந்தியா இதுவரை உருவாக்கிய பிரதமர்களிலே இந்திரா காந்திதான் மிகச் சிறந்தவர்.

பேரரசர் சாம்ராட் அசோகர்:

உலகிலேயே மிகப் பெரிய இந்தியப் பேரரசை அமைத்தவர் . இவருடைய பேரரசு மேற்கே பெர்சியா (இன்றைய ஈரான்) முதல் கிழக்கே அஸ்ஸாம் வரையிலும் , தெற்கே வட கேரளா , வட ஆந்த்ரா வரையிலும் பரவி இருந்தது. பேரரசர் அசோகரின் ஆரம்ப கால வாழ்க்கை முழுவதும் ரத்த சரித்திரமே. தான் ஆட்ச்சிக்கு வர தன் அண்ணன்கள் அனைவரையும் கொன்றார். அவருக்கு எதிரான அனைத்து நடவடிக்கைகளையும் இரும்புக் கரம் கொண்டு அடக்கினார். அவருடைய ராணுவம் தன் நாட்டின் எல்லையை விஸ்தீகரிக்க அண்டை நாடுகளின் மீது மிக பயங்கரமான போர்களைத் தொடுத்தது. அவருடைய வாழ்க்கையில் திருப்பத்தை ஏற்படுத்தியது கலிங்கப்போர் ஆகும். கலிங்கம் என்பது இன்றைய ஒரிசா ஆகும். அக்காலத்தில் அக்கலிங்கம் மௌரிய சாம்ராஜ்யத்தின் கீழ் வரவில்லை. பேரரசர் சந்திரகுப்த மௌரியராலயே அதை மௌரிய பேரரசின் கீழ் கொண்டு வரமுடியவில்லை . அந்நாட்டின் மீது அசோகர் மிகப் பெரிய போர் தொடுத்தார். அப்போரின் முடிவில் கலிங்கம் தோற்றது. ஆனால் அப்போரின் விளைவுகள் மிகப் பயங்கரமாக இருந்தது. அதனைப் பார்த்து பேரரசர் அசோகர் முற்றிலும் மனம் மாறினார். பௌத்த மதத்தை சார்ந்து அகிம்சாவாதியாக மாறினார். அதற்குப் பின் அவர் இவ்வுலகம் கண்டிராத மிகச் சிறந்த பேரரசராக விளங்கினார். அதற்கடுத்து அவர் எந்த நாட்டின் மீதும் போர் தொடுக்கவில்லை. தன் அண்டை நாடுகளுடன் மிகச் சிறந்த நல்லுறவை பேணினார்.

அகிம்சாவாதியாக மாறிய அவர் உலக வரலாற்றிலேயே முதல் முறையாக அடிமைத்தனம்,வேட்டையாடுதல், மீன் பிடித்தல், காடு அழித்தலை தடை செய்தார். அவர் மக்களின் மீது மட்டுமல்லாமல் மற்ற உயிரினங்களின் மீதும் அன்பு செலுத்தினார். நாடு முழுவதும் மரங்களை நட்டார். உலக வரலாற்றிலேயே முதல் முறையாக தன் நாட்டு மக்களுக்கு மிகச் சிறந்த மருத்துவ வசதிகளை அளித்தார். அவர் பௌத்த மதத்துக்கு மதம் மாறினாலும் பின் வந்த முஸ்லிம் மன்னர்களை போல் அல்லாமல் யாரையும் கட்டாயமாக மதம் மாற்றவில்லை. அனைத்து மதங்களையும் தன் மதத்தைப் போலவே எண்ணினார். பிற மதங்களுக்கு செய்யும் தீங்கு தன் மதத்திற்கே செய்யும் தீங்கு என்று கருதினார். பிற உயிரினங்களுக்கு செய்யும் தீங்கு தனக்கே செய்யும் தீங்கைப் போன்றது என்று எண்ணினார். தன் மக்களை ஒற்றுமையுடனும், அன்புடனும் பிற மத சகிப்புத்தன்மையுடனும் வாழுமாறு அறிவுறுத்தினார் . மனித வரலாற்றிலேயே முதல் முறையாக தன் அண்டை நாடுகளுக்கு மனிதாபிமான முறையிலான உதவிகளை செய்தார். அவை மருத்துவம், பொறியியல், கிணறு வெட்டுதல், மரம் நடுதல் போன்றவையாகும். கல்விக்கு மிக அதிக முக்கியத்துவம் அளித்தார். உலக வரலாற்றிலேயே முதலில் அமைந்த நாலந்தா, தக்சசீல பல்கலைக்கழகங்களை அமைத்தார் . இததகைய பேரரசரை இவ்வுலகம் கண்டதில்லை என்பது போல் இருந்தது அவருடைய ஆட்சி . உலகம் இன்று ஏங்கும் மிகச் சிறந்த பேரரசர் அசோகர் ஆவார்.

உலகில் என்னை அதிகம் பரவசப்படுத்தும் இடங்கள்

எனக்கு சில விசயங்களை , சில இடங்களை , சில மனிதர்களைப் பற்றி கேட்கும் போது , பார்க்கும் போது மிக பரவசமான நிலை ஏற்படும். அவற்றைப் பற்றி மீண்டும் மீண்டும் கேட்க வேண்டும் , பார்க்க வேண்டும் என்று தோன்றும் . அவை, அவர்கள் இந்த உலகில் மிக உன்னதமான நிலை வகிப்பவர்கள் கூட. நான் இங்கு என்னை பரவசப்படுத்தும் இடங்களைப் பற்றி மட்டுமே கூறுகிறேன். என்னைப் பரவசப்படுத்தும் மனிதர்களையும் சம்பவங்களையும் தனிப் பதிவுகளில் கூறுகிறேன். நான் இங்கு கூறும் இடங்கள் வரிசைகிரமாக இல்லை . இப்பகுதியில் உள்ள வெளிநாட்டில் அமைந்த பகுதிகள் இந்தியாவில் அமையாமல் வேறுநாட்டில் அமைந்துள்ளனவே என்று நான் அதிகம் வருத்தப்படும் இடங்கள் ஆகும் .

அமேசான் மழைக் காடுகள் :


அமேசான் மழைக்காடுகள் தென் அமெரிக்காவின் மிக அதிக பரப்பளவை ஆக்கிரமித்த உலகின் மிகப் பெரிய மழைக் காடுகள் ஆகும். நான் அமேசான் மழைக்காடுகள் என்று கூறும் போது அது அமேசான் ஆற்றையும் சேர்த்துதான் . நம்மால் அமேசான் காடுகளையும் , அமேசான் ஆற்றையும் தனித்தனியாக பிரித்துப் பார்க்க முடியாது. இரண்டையும் பிரிக்க முடியாத அளவிற்கு இரண்டும் ஒன்றுடன் ஒன்று கலந்ததுதான். அமேசான் பேசின் எனப்படும் பகுதியானது மொத்தம் 70 லட்சம் சதுர கிலோமீட்டர் பரப்பளவை ஆக்கிரமித்த பகுதி . இவற்றில் 55 லட்சம் சதுர கிலோமீட்டர் அமேசான் மழைக்காடுகளாகும். இந்தப் பகுதியானது மொத்தம் ஏழு நாடுகளில் பரவியுள்ளது. அவற்றில் 60% மழைக் காடுகள் பிரேசில் நாட்டில் மட்டும் பரவியுள்ளது. உலகில் உள்ள மழைக்காடுகளில் அமேசான் மழைக்காடுகள் மட்டும் பாதி அளவை ஆக்கிரமித்துள்ளன. உலகில் உள்ள உயிரினங்களில் பத்தில் ஒன்று அமேசான் மழைக்காடுகளில் வசிக்கின்றன. உலகில் உள்ள மொத்த பறவை இனங்களில் ஐந்தில் ஒன்று இந்தக் காடுகளில் வசிக்கின்றன. உலகில் உள்ள பூச்சி இனங்களில் மொத்தம் 25 லட்சம் பூச்சி இனங்கள் இங்குதான் வசிக்கின்றன. அமேசான் மழைக் காடுகள் ஆப்ரிக்கா போன்று மிகப் பெரிய பாலூட்டிகளை கொண்டிருப்பதில்லை. ஏனெனில் யானை போன்ற மிகப் பெரிய பாலூட்டிகள் உலாவ மிகப் பரந்த , அதிக நெருக்கமான மரங்கள் அற்ற பகுதி தேவை . மேலும் சிங்கம், புலி, சிறுத்தை போன்ற விலகினங்கள் பாய்ந்து வேட்டையாட மிகப் பெரிய நெருக்கமான மரங்கள் அற்ற பகுதி தேவை . அமேசான் மழைக் காடுகள் அப்படிபட்டவை அல்ல. அவை மிக நெருக்கமான மரங்கள் அடர்ந்த பகுதியாகும். அமேசான் மழைக் காடுகளில் மிகச் சிறிய உயிரினங்களே அதிகம் வசிக்கின்றன. அமேசான் மழைக் காடுகளில் வசிக்கும் மிகப் பெரிய உயிரினங்கள் கருப்பு கைமேன் எனும் முதலை, ஜாகுவார் என்னும் சிறுத்தை போன்ற விலங்கு, கவ்கர் என்னும் சிங்கம் போன்ற விலங்கு , அமேசான் காடுகளுக்கே உரித்தான அனகோண்டா பாம்பு ஆகும். அமேசான் காடுகள் அவற்றிற்கே உரித்தான விஷ தவளைகளையும், பிரான்கா என்னும் பற்களை கொண்ட மீன் இனத்தையும் கொண்டிருக்கின்றன . பிரான்கா பற்றி நிறைய கதைகள் கூறப்படுகின்றன . அதில் ஒன்று அமெரிக்க ஜனாதிபதி தியோடர் ரூஸ்வெல்ட் பிரேசிலுக்கு பயணம் செய்த போது அவரைக் கவர வேண்டி பிரேசில் மீனவர்கள் ஒரு மாட்டை பிரான்கா நிறைந்த ஆற்றில் தூக்கிப் போட்டார்களாம். கண நேரத்தில் அந்த மாட்டின் எலும்புக் கூடே மிஞ்சியதாம்.

அமேசான் ஆற்றைப் பற்றிக் கூறுவதென்றால் அதுவே உலகின் மிகப் பெரிய ஆறாகும் . உலகின் இரண்டாவது நீளமான ஆறும் கூட. அமேசான் ஆறு வெளியேற்றும் நீரானது , உலகில் அதனை அடுத்துப் பெரிய ஆறு ஆறுகள் வெளியேற்றும் நீரை விட அதிகம். கோடை காலங்களில் அமேசான் ஆற்றின் அகலம் 1.6 km முதல் 10km வரையாகும். மழைக்காலத்தில் இதுவே 48km வரை நீளும் . அமேசான் ஆற்றின் முகத்துவாரம் 240km அகலம் கொண்டதாகும். அதனாலேயே இது ஆற்று கடல் என்று கூறப்படுகிறது. அமேசான் ஆற்றின் எந்தப் பகுதியும் பாலங்களால் கடக்கப்படுவதில்லை. கோடை காலங்களில் 1,10,000 sqkm நிலமானது நீரால் சூழப்படுகிறது. மழைக்காலத்தில் 3,50,000 sqkm நீரால் சூழப்படுகிறது. அட்லாண்டிக் கடலில் அமேசான் வெளியேற்றும் நீரானது மிக அதிக அளவாகும் . ஒரு வினாடிக்கு சராசரியாக 3,00,000 கன மீட்டர் நீரை மழைக்காலங்களில் வெளியேற்றுகிறது . உலகில் உள்ள ஆறுகள் கடலில் கொண்டு சேர்க்கும் நீரில் 20% அமேசான் கொண்டு சேர்க்கிறது.

கோனார்க் சூரிய கோயில் :


கோனார்க் சூரிய கோயில் ஒரிசாவில் அமைந்துள்ள சூரியனுக்காக அமைக்கப்பட்ட கோயிலாகும் . இது 13 நூற்றாண்டை சேர்ந்தது. இது கங்கா அரச பரம்பரையை சேர்ந்த முதலாம் நரஷிம்ஹவர்மனால் சூரிய தேவனுக்கு கட்டப்பட்டது. இக்கோயில் ஒரு தேர் வடிவத்தில் அமைக்கப்பட்டது. இது சூரிய கதிரில் உள்ள ஏழு வண்ணங்களை குறிக்கும் வகையில் ஏழு குதிரைகளால் இழுக்கப்படுவதாகவும் , மிக அழகிய 12 சக்கரங்களை கொண்டதாகவும் அமைக்கப்பட்டுள்ளது. கோனார்க் சூரிய கோயிலின் மிக அதிக பகுதிகள் வங்காள சுல்தானாக இருந்த சுலைமான் கான் கர்ரானியால் அழிக்கப்பட்டது. அப்படி இருந்தும் இக்கோயில் மிக அழகாக உள்ளது. இது UNESCO ஆல் உலகின் பண்பாட்டுச் சின்னமாக அறிவிக்கப்பட்டுள்ளது. நான் கோனார்க் கோயிலை நேரில் பார்த்துள்ளேன் என்பதில் மிகப் பெருமிதம் அடைகிறேன்.

தஞ்சை பெரிய கோயில் :


தஞ்சை பெரிய கோயில் ராஜராஜனால் 1000 (கிபி 1010) ஆண்டுகளுக்கு முன் கட்டப்பட்டது. இது சோழர்களின் கட்டிடக்கலையை காட்டுவதோடு இந்தியாவின் கட்டிடக்கலைக்கும் ஒரு சிறந்த எடுத்துக்காட்டாகும். இது இதன் வகையில் உள்ள கோயில்களில் உலகிலேயே உயர்ந்த கோயிலாகும். இது UNESCO ஆல் உலகின் பண்பாட்டுச் சின்னமாக அறிவிக்கப்பட்டுள்ளது . இன்றும் தமிழ்நாட்டின் கட்டிடக்கலைக்கு ஒரு மிகச் சிறந்த எடுத்துக்காட்டாக விளங்குகிறது. இக்கோயிலுக்கும் நான் சென்றுள்ளேன்.

மதுரை மீனாக்ஷி அம்மன் கோயில் :


மதுரை எனக்கு சொந்த ஊர் என்பதாலேயே எனக்கு அந்த ஊரின் மீதும் , அதைப் பற்றிய அனைத்துச் செய்திகளும் எனக்கு பரவசம் தரும் . மதுரை மாநகரம் 2500 ஆண்டுகள் பழமையானது. முப்பெரும் வேந்தர்களான பாண்டியர்களின் தலை நகரமாக காலம் காலமாக இருந்த நகரமாகும். இக்கோயில் அந்த ஊரில் அமைந்த மிக அழகிய கோயிலாகும். இக்கோயில் மிகப் பழமையானது என்ற போதிலும் இதனுடைய தற்போதைய வடிவம் 1600 இல் கட்டப்பட்டது. உலகில் உள்ள இந்துக்களின் மிக முக்கிய கோயிலாகும் . இதனுடைய மற்றொரு சிறப்புக்குக் காரணம் இங்கு அம்மன் ஆட்சி நடப்பதாகும். இக்கோயிலில் அம்மனுக்கே அதிக முக்கியத்துவம். உலகில் புதிய ஏழு அதிசயங்களில் தேர்ந்தெடுக்கும் போட்டி நடைபெற்றபோது அதில் முதல் 21 இடங்களுக்குள் வந்த கோயிலாகும். NDTV நடத்திய இந்தியாவின் ஏழு அதிசயங்களில் ஒன்றாக தேர்ந்தெடுக்கப்பட்ட கோயிலாகும். உலகில் அதிக சிலைகள் கொண்ட கோயிலாகும். இக்கோயில் பதினான்கு கோபுரங்களை கொண்டுள்ளது. இக்கோயில் உலகின் பண்பாட்டுச் சின்னமாக UNESCO ஆல் அறிவிக்கப்படப்போகும் நாளை மிக ஆவலாக எதிர்நோக்கி இருக்கிறேன்.

அங்கோர்வாட் :


அங்கோர்வாட் கோயில் கம்போடியாவில் அமைந்துள்ளது. இது இரண்டாம் சூர்யவர்மனால் விஷ்ணுவிற்காக கட்டப்பட்ட கோயிலாகும். இது உலகில் உள்ள சமயம் சார்ந்த மிகப் பெரிய கட்டிடமாகும். இது 12 ஆம் நூற்றாண்டை சேர்ந்ததாகும். முதலில் இந்துக் கோயிலாக இருந்த இது பின் புத்த விஹாராக மாற்றப்பட்டது. இது UNESCO வின் உலக பண்பாட்டுச் சின்னமாக 1992 இல் அறிவிக்கப்பட்டது. கம்போடிய நாட்டுக் கொடியில் இக்கோயில் இடம்பெற்றுள்ளது. மிக சிதிலமடைந்த நிலையுள்ள இக்கோயிலில் இந்திய அகழ்வாராய்ச்சி துறையானது 1986 முதல் 1992 வரை மேம்படுத்தும் பணிகளை மேற்கொண்டது. இக்கோயிலுக்குச் செல்லவேண்டும் என்பது என்னுடைய நீண்ட நாள் கனவாகும்.

காஸிரங்கா தேசியப் பூங்கா :


காஸிரங்கா தேசியப் பூங்கா இந்தியாவின் அமேசான் என்று கூறலாம் . இது அமேசான் போன்று அதிக அடர்த்தியான காடுகளைக் கொண்டிருக்கவில்லை . நான் ஏன் இதை இந்தியாவின் அமேசான் என்று கூறுகின்றேன் என்றால் இது அமேசான் போன்று இந்தியாவிலேயே அதிக வன உயிரினங்களை கொண்டிருக்கிறது. உலகிலே இருக்கும் ஒற்றைக் கொம்பு காண்டா மிருகங்களில் மூன்றில் இரண்டு இங்குதான் உள்ளது. கிட்டத்தட்ட 1800 க்கும் மேற்பட்ட ஒற்றைக்கொம்பு காண்டாமிருகங்கள் இங்கு உள்ளன. இதுவே உலகில் மிக அதிக புலிகளை கொண்டுள்ள பகுதியாகும் . கிட்டத்தட்ட 86 புலிகள் இங்கு உள்ளன. கிட்டத்தட்ட 2000 யானைகளும், 1600 க்கு மேற்பட்ட ஆசிய காட்டு நீர் எருமைமாடுகளையும் கொண்டுள்ளது. இப்பூங்கா 1905 ஆம் ஆண்டு வன உயிரியல் சரகமாக அறிவிக்கப்பட்டது. அப்பொழுது இந்தியாவின் வைஸ்ராயாக இருந்த கர்சன் பிரபுவின் மனைவியான மேரி விக்டோரியா உலகின் ஒற்றைக் கொம்பு காண்டாமிருகங்களுக்கு பெயர் பெற்ற காஸிரங்காவிற்கு பயணம் செய்த போது அவரால் ஒரு காண்டாமிருகத்தையும் காண முடியவில்லையாம். அவரின் வற்புறுத்தலின் பேரில் கர்சன் பிரபு இப்பூங்காவை பாதுகாக்கப்பட்ட வனப் பகுதியாக அறிவித்தாராம். அப்பொழுது 12 காண்டாமிருகங்களுடன் ஆரம்பிக்கப்பட்ட இப்பூங்காவில் இப்பொழுது 1800 க்கும் மேற்பட்ட ஒற்றைக்கொம்பு காண்டாமிருகங்கள் உள்ளன . இந்தியாவின் பல தேசியப் பூங்காக்கள் தங்கள் வன உயிரினங்களை காப்பாற்ற போராடும் போது இந்தப் பூங்காவே இந்தியாவில் வன உயிரினங்களை அதிகரித்த பூங்காவாகும் . இது ஒற்றைக் கொம்பு காண்டா மிருகங்கள் ,புலி , யானைகளையும் குறிப்பிடும். இத்தனைக்கும் இப்பூங்கா காண்டாமிருகங்கள் மற்றும் புலிகளின் உறுப்புகள் அதிகம் தேவைப்படும் சீனாவிற்கு மிக அருகில் உள்ளது. இப்பூங்கா UNESCO ஆல் உயிரியல் பண்பாட்டுச் சின்னமாக அறிவிக்கப்பட்டுள்ளது. இப்பூங்காவிற்குச் செல்ல வேண்டும் என்பது என் நீண்ட நாள் கனவுகளில் ஒன்று.

கைலாயம்:


இந்துக்கள் ஒவ்வொருவருக்கும் கைலாயம் செல்ல வேண்டும் என்பதே மிகப் புனித கடமையாகும். உலகின் மிக மூத்த மதமான ஹிந்து மதத்தைச் சார்ந்த எனக்கும் மிக அதிக பரவசமூட்டக் கூடிய இடமாகும். கைலாய மலை நான்கு சமயங்களில் மிக முக்கியமாக கருதப்படுகிறது. அவை இந்து, புத்தம், ஜைனம் மற்றும் போன் ஆகும். இம்மலையிலிருந்து உலகின் நான்கு முக்கிய ஆறுகள் புறப்பட்டு உலகை நான்கு பகுதிகளாக பிரிக்கின்றது என்பது ஐதீகம். இம்மலை திபெத்தில் உள்ளது . இம்மலையை வலம் வருவது இந்நான்கு சமயங்களிலும் மிக முக்கியமான கடமையாகும். இந்துக்களும் , புத்தர்களும் இம்மலையை clockwise ஆகவும், ஜைனர்களும், போன் மதத்தைச் சார்ந்தவர்களும் counter clockwise ஆகவும் வலம் வருவார்கள். இந்து சமயத்தில் இம்மலை சிவபெருமான் தன் மனைவி பார்வதியுடன் குடி இருக்கும் இடமாகும்.

அமெரிக்கா, பிரான்ஸ் மற்றும் இந்தியா

சமீப காலத்தில் இந்தியாவிற்கு இரண்டு சர்வதேச முக்கிய தலைவர்கள் வந்தனர். அவர்களின் வருகை மிக முக்கியமாகப்பட்டது. ஒருவர் அமெரிக்க அதிபர் ஒபாமா மற்றொருவர் பிரான்ஸ் அதிபர் நிக்கோலஸ் சர்கோசி . இருவரின் வருகையுமே இந்தியாவிற்கு முக்கியமான நிகழ்வு. இந்தியாசர்வதேச அளவில் தன்னுடைய இருப்பை காட்டிக்கொள்வதோடு சர்வதேச அளவில் தனக்கான உரிமையான இடத்தை பெறத்துடிக்கும் இந்த காலத்தில் இருவரின் வருகையுமே அரசியல் ரீதியாக முக்கியமாகப்பட்டது. பாதுகாப்பு மற்றும் பொருளாதார துறைகளிலும் முக்கியமான மாற்றங்களை ஏற்படுத்தக்கூடியதாக இருந்தது. இருந்தபோதிலும் அரசியல் ரீதியான நிகழ்வுகளே உலக அளவில் கவனத்தில் கொள்ளப்பட்டது. இந்தியா ஐநாவின் பாதுகாப்பு சபையில் நிரந்தர இடம் பிடிக்க வேண்டும் என்பதே சர்வதேச அளவில் இந்தியாவின் மிக முக்கியமான கொள்கையாக இருக்கும் இந்த காலத்தில் இருவரின் வருகையுமே மிக முக்கியமாகப்பட்டது.

கடந்த காலங்களில் மிக முக்கிய வெளிநாட்டுத் தலைவர்கள் வருகைக்கும் , தற்போது வரும் வெளிநாட்டுத் தலைவர்களின் வருகைக்கும் மிகப் பெரிய மாற்றம் உள்ளது. கடந்த காலங்களில் வெளிநாட்டுத் தலைவர்களின் வருகை பெரும்பாலும் ஒரு வழிப் பாதையாகவே இருந்தது. அதாவது இந்தியா எந்த அளவிற்கு அவர்களிடமிருந்து சமூக முன்னேற்றத்திற்கான சலுகைகள் பெறுவதின் அடிப்படையிலே இருந்தது. அக்காலங்களில் இந்தியா ஒரு மக்கள்தொகை மிகுந்த அதனால் வறுமையும் , பிணியும் பீடித்த , தன்னுடைய அன்றாட வாழ்க்கைக்கே வெளிநாட்டின் தேவைகளை எதிர்பார்த்த , தன்னுடைய முன்னேறத்திற்கு வழி தெரியாத ஒரு நாடாகவே பார்க்கப்பட்டது. அக்காலங்களில் இத்தகைய வெளிநாட்டுத் தலைவர்கள் தங்களின் இந்திய வருகையின் மூலம் தங்களை இந்தியாவின் அனாத ரட்சகர்களாகவே காட்டிக்கொண்டனர். ஏதோ அவர்கள் தங்களின் இந்திய வருகையின் மூலம் தங்களை உலகின் இரண்டாவது அதிக மக்கள் தொகை கொண்ட முன்னேற வழி தெரியாத நாட்டின் அன்றாட வாழ்க்கைக்கு படி அளப்பவர்களாகவும் , தாஜ் மஹால் முன்னால் நின்று போட்டோவிற்கு போஸ் கொடுப்பவர்களாகவும் இருந்தனர். கிட்டத்தட்ட அதில் உண்மையும் இருந்தது.

இந்தியா உலகின் ஏழாவது பெரிய நாடாகவும் , மக்கள் தொகையில் இரண்டாவது நாடாகவும், தெற்காசியாவில் மிகப்பெரிய நாடாகவும் இருந்த போதும் இதற்குமுன் எப்பொழுதும் சர்வதேச அளவில் பெரிய நாடாக எண்ணப்பட்டதில்லை. அதற்கு முக்கிய காரணம் அக்காலங்களில் அதிக மக்கள் தொகை ஒரு நாட்டின் பிணியாகவும், ஒரு நாட்டின் முன்னேற்றத்திற்கு மிகப் பெரிய தடைக் கல்லாகவும் பார்க்கப்பட்டது.

ஆனால் தற்காலத்தில் உலகின் கண்ணோட்டமே மாறுபட்டுவிட்டது. ஒரு காலத்தில் மக்கள் தொகை பிணியாக எண்ணப்பட்ட காலம் போய் இப்பொழுது அது ஒரு நாட்டின் வளமாக எண்ணப்படுகிறது. ஒரு காலத்தில் மக்களுக்கு பணம் செலவழித்து சேவை செய்வது போய் இப்பொழுது சேவைகளின் மூலம் பணம் பண்ணும் தொழிலை உலகம் கற்றுக் கொண்டது. அதனால் சிந்திப்பதற்கு நூறு கோடி மூளைகளையும் , வேலை செய்வதற்கு இரநூறு கோடி கைகளையும் கொண்ட இந்தியாவை உலகம் மிக முக்கிய சந்தையாகப் பார்க்கிறது. ஒரு காலத்தில் இந்தியாவிற்கு படி அளக்க வருகை தந்த வெளிநாட்டுத் தலைவர்கள் இப்பொழுது தங்கள் நாட்டிற்கு படி அளக்க இந்தியா வருகிறார்கள்.

அமெரிக்க அதிபராக இருந்த புஷ் மேற்கொண்ட அணு தொழிநுட்ப ஒப்பந்தமே உலக அளவில் இந்தியாவை ஒரு மிக முக்கிய நாடாக அங்கீகரித்ததின் முதல் படி. அது ஒரு அளவில் பொருளாதார ஒப்பந்தமாக இருந்த போதிலும், இந்தியா NPT யில் கையொப்பம் இடாத போதிலும் இந்தியாவுடனான அந்த அணு ஒப்பந்தம் ஏற்பட்டது அரசியல் ரீதியில் மிக முக்கியமானது. அந்த ஒப்பந்தம் இந்தியாவின் மின் பற்றாக்குறையை போக்கும் என்பதோடு இந்தியாவை உலகில் தவிர்க்க முடியாத இடத்தை வகிக்கும் நாடு என்று அங்கீகரித்த ஒப்பந்தம். புஷ்ஷின் இந்திய வருகையின் போதே அமெரிக்கா , ஐநாவின் பாதுகாப்புச் சபையில் இந்தியா நிரந்தர உறுப்பினராக ஆதரவு தரும் என்று எதிர்பார்க்கப்பட்டது. ஆனால் அது நடைப் பெறவில்லை.
புஷ்ஷின் இந்திய வருகைக்குப் பிறகு இந்தியா உலகில் முக்கியமாகப் பார்க்கப்பட்டது. அத்துடன் அமெரிக்கா இந்தியாவுடன் செய்துகொண்ட இந்த அணு ஒப்பந்தம் போல , தன்னுடைய நட்பு நாடாக பாகிஸ்தான் இருந்த போதும் மேலும் பாகிஸ்தான் வாய் விட்டு தன்னுடன் அதே ஒப்பந்தத்தை செய்து கொள்ளவேண்டும் என்று கேட்டுக்கொண்ட போதும் அமெரிக்கா மறுத்துவிட்டது இந்தியாவிற்கு மிகப் பெரிய வெற்றி . கடந்த காலங்களில் ரஷ்யாவுடன் நட்பு நாடாக இருந்த இந்தியாவிற்கு எதிராக இந்தியாவை ஒரு கட்டுக்குள் வைப்பதற்காக, இந்தியாவிற்கு ஒரு மாற்றாக அமெரிக்கா பாகிஸ்தானை பார்த்தது. இந்தியாவுடனான இந்த அணு ஒப்பந்தமும், பாகிஸ்தானுடன் அதே போன்று ஒரு ஒப்பந்தம் செய்ய மறுத்ததும் பாகிஸ்தான் என்றுமே இந்தியாவிற்கு ஒரு மாற்று அல்ல என்று அமெரிக்கா புரிந்து கொண்டதின் ஒரு அறிகுறி. இதனாலையே "இந்தியா - பாகிஸ்தான்" பாலிசியாக இருந்த அமெரிக்காவின் பார்வை இந்தியா, பாகிஸ்தான் பாலிசியாக மாறியது. அதாவது இந்தியா மற்றும் பாகிஸ்தானை இணைத்து அமைந்த பாலிசி, இந்தியா, பாகிஸ்தான் என்று இரண்டு பாலிசியாக மாறியது.

கடந்த காலங்களில் பாகிஸ்தானுடனான அமெரிக்காவின் நட்பிற்கும் , தற்காலத்தில் பாகிஸ்தானுடனான அதன் நட்பிற்கும் நிறைய வேறுபாடு உள்ளது. கடந்த காலங்களில் ரஷ்யாவுடனான இந்தியாவின் நட்பிற்கு எதிராகவும், தெற்காசியாவில் இந்தியாவிற்கு ஒரு மாற்றாகவும் பாகிஸ்தானுடனான அமெரிக்காவின் நட்பு இருந்தது. ஆனால் தற்போழுது பாகிஸ்தானுடனான் அமெரிக்காவின் நட்பு ஆப்கானிஸ்தானில் அமெரிக்கா மேற்கொண்டிருக்கும் தீவிரவாதத்திற்கு எதிரான போரில் பாகிஸ்தானின் உதவியைப் பெறவேண்டிய தேவையின் அடிப்படையில் உள்ளது. நிச்சயமாக அமெரிக்கா இன்று பாகிஸ்தானை இந்தியாவின் மாற்றாக கருதவில்லை. இந்தியாவை , சீனாவின் மாற்றாக அமெரிக்கா கருதவே நிறைய வாய்ப்புகள் உள்ளது. அசுர வளர்ச்சி பெற்று வரும் சீனாவிற்கு எதிராக , அதன் அருகிலேயே அதற்கு ஒரு மாற்று அமைவது அமெரிக்காவிற்கு மிக அவசியம். அதுவும் ஒரு ஜனநாயக நாடு அமைவது மிக அவசியம். அதனாலையே இந்தியாவின் மீதான அமெரிக்காவின் பார்வை மாறி உள்ளது. அந்த நட்பு பார்வை அமெரிக்காவின் பொருளாதாரத்திற்கும் மிக அவசியம்.

ஒபாமாவின் இந்திய வருகை இரண்டு நாடுகளாலும் முக்கியமாக பார்க்கப்பட்டது. அது இரண்டு நாடுகளுக்கும் பயன் உள்ளதாக அமையவேண்டும் என்ற அடிப்படையில் அமைந்தது. ஒரு காலத்தில் அமெரிக்க அதிபர்களின் வருகை இந்தியாவிற்கு மட்டுமே பயன்னுள்ளதாக அமைந்ததிலிருந்து இப்பொழுது இரு நாடுகளுக்கும் பயனுள்ளதாக அமையவேண்டும் என்று எண்ணியதே இந்தியாவை அங்கீகரித்ததின் அடையாளம். ஒபாமாவின் வருகையின் போது அமெரிக்கா இந்தியா ஐநாவின் பாதுகாப்பு சபை நிரந்தர உறுப்பினராக ஆதரவு தரும் என்று எதிர்பார்க்கப்பட்டது. ஆனால் அது எந்த அளவு நிறைவேறும் என்று தெரிந்திருக்கவில்லை. ஏனெனில் ஒபாமாவின் சீனாவுடன் நெருக்கம் காட்டவேண்டும் என்ற கொள்கை உலகறிந்தது. மேலும் ஆப்கானிஸ்தானில் நடக்கும் போரில் பாகிஸ்தானின் ஆதரவு அதற்கு தொடர்ந்து வேண்டும் என்ற நிலை இருக்கும் இந்த நேரத்தில் பாகிஸ்தானை கோபமூட்டக்கூடியதும் , சீனாவிற்கு வெறுப்பை மூட்டக் கூடியதுமான செயலை ஒபாமா செய்வாரா என்ற அவநம்பிக்கை இருந்தது. அதையும் தாண்டி அமெரிக்கா, ஐநா சபையில் இந்தியா நிரந்தர உறுப்பினராக ஆதரவு தந்தது இந்தியாவிற்கு ஆச்சரியம் அளித்த செயல்தான். ஒபாமா அதற்கும் மேலே ஒரு படி போய் இந்தியா வளரும் நாடு அல்ல , ஏற்கனவே வளர்ந்து விட்ட நாடு என்ற சொன்னது இந்தியாவை அங்கீகரித்த செயல்தான். மேலும் ஒபாமா NSG (Nuclear Suppliers Group) இந்தியா சேர ஆதரவு தெரிவித்துள்ளார். ஒபாமாவின் வருகை இந்தியாவிற்கு மட்டுமே பயன் அளிக்கக் கூடியதாக இருந்திருக்கவில்லை , அவருடைய வருகை அமெரிக்காவில் 50,000 வேலை வாய்ப்புகளை உருவாக்கியது அமெரிக்க பொருளாதாரம் ஆட்டம் கண்டு கொண்டிருக்கும் இன்றைய நிலையில் மிக முக்கியமானது.

ஒபாமாவின் ஆசிய நாடுகளுக்கான இந்த பயணத்தில் இந்தியாவே முதல் நாடு. மேலும் இந்தப் பயணத்தில் இந்தியாவிலேயே அவர் அதிக நாட்கள் தங்கினார் . ஒபாமாவே தன்னுடைய இந்தப் பயணத்தில் இந்தியாவே முதல் நாடாக அமைந்தது ஒன்று ஏதேச்சையாக அமைந்ததல்ல என்று கூறினார். மேலும் எப்பொழுதும் இந்தியா வரும் அமெரிக்க அதிபர்களின் பயணத்தில் அவர்களின் அடுத்து இறங்கும் இடமாக அமைவது பாகிஸ்தான். இந்தியாவில் ஒரு பேச்சு பேசிவிட்டு பாகிஸ்தான் சென்றவுடன் அதை மாற்றி பேசுவது அவர்களின் வழக்கமாக இருக்கும் . ஆனால் இந்தப் பயணத்தில் ஒபாமா பாகிஸ்தான் செல்லவில்லை. மேலும் அதிபராக பொறுப்பேற்றுக் கொண்டதும் ஒபாமா சந்தித்த முதல் வெளிநாட்டுத் தலைவர் இந்திய பிரதமரே ஆவார். மேற்கூறிய இத்தகைய சம்பவங்கள் ஏதேச்சையாக நடந்திருந்தாலோ அல்லது deliberate ஆக நடந்திருந்தாலோ , அவை இந்தியாவில் முக்கியமாக பேசப்பட்டது.

மும்பையில் ஒபாமா இருந்த பொழுது அங்கு ஒரு கல்லூரி மாணவர் அமெரிக்கா ஏன் பாகிஸ்தானை ஒரு தீவிரவாத நாடாக அறிவிக்க மாட்டேன் என்கிறது என்ற கேள்விக்கு ஒபாமா நேரடியாக பதிலளிக்கவில்லை. பாகிஸ்தானும் தீவிரவாதத்தால் பாதிக்கப்பட்ட நாடுதான் என்றார். பாகிஸ்தானில் இருக்கும் தீவிரவாதம் , தீவிரவாதத்தை அந்த நாடு ஆதரித்ததின் பின் விளைவே என்று அவர் கூறவில்லை. 26/11 சம்பவத்திற்கு கண்டனம் தெரிவித்த அவர் பாகிஸ்தானின் பெயரை அதில் குறிப்பிடவில்லை. இது எதிர்பார்த்த ஒன்றுதான். ஏனெனில் ஆப்கானிஸ்தானில் நடக்கும் தீவிரவாதத்திற்கு எதிரான போரில் பாகிஸ்தானின் ஆதரவு அமெரிக்காவிற்கு அவசியம். சமீபத்திய wiki leak இணையதளத்தின் செய்திகளே ஆப்கானிஸ்தானில் இந்தியா மேற்கொண்டிருக்கும் உள்நாட்டு கட்டுமானப் பணிகளையே அமெரிக்கா ஒரு வேளை விரும்பாத தோற்றத்தையே ஏற்படுத்தியுள்ளது. ஏனெனில் ஆப்கானிஸ்தானில் இந்தியாவின் இருப்பையும் , ஆப்கானிஸ்தான் அரசிற்கான இந்தியாவின் ஆதரவையும் பாகிஸ்தான் விரும்பவில்லை. அதனால் அந்த நாடு இந்தியாவிற்கு எதிரானவர்களான தலிபான்களின் தீவிரவாதத்தை கட்டுபடுத்தும் போரில் அமெரிக்காவிற்கு பாகிஸ்தான் முழு மூச்சாக ஒத்துழைப்பை தருவதில்லை என்று அமெரிக்கா எண்ணுகிறது. இத்தகைய சூழ்நிலையில் ஒபாமாவின் அமெரிக்க அரசு பாகிஸ்தானிற்கு எதிரான எந்த ஒரு பெரிய நடவடிக்கையையும் எடுக்கவில்லை என்பது ஆச்சரியம் ஒன்றும் அல்ல.

ஒபாமாவின் வருகையைப் போன்று முக்கியமாக கருதப்பட்ட அதிபரின் வருகை பிரான்ஸ் அதிபரான நிகோலஸ் சர்கோசியின் வருகையாகும். என்னைப் பொறுத்தவரை அமெரிக்காவை விட பிரான்ஸ் இந்தியாவுடன் சற்று கூடுதல் காலம் நட்பாக இருந்துள்ளது. மேலும் எனக்கு நிக்கோலஸ் சார்கோசியை பிடிக்கும். அவர் double standard லாம் எடுக்கமாட்டார் . தனக்கு சரி என்று பட்டதை வெளிப்படையாக கூறுவார். சென்ற ஒலிம்பிக்கின் போது கூட திபெத்திற்கெதிரான நடவடிக்கைகளை சீனா நிறுத்திக் கொள்ளாவிட்டால் பிரான்ஸ் ஒலிம்பிக்கில் பங்கேற்பதை மறுபருசீலனை செய்யும் என்று வெளிப் படையாக கூறினார். இன்றைய சீனாவிற்கெதிராக இப்படி பேச தைரியம் வேண்டும் . அந்த தைரியம் அமெரிக்காவிற்கே இல்லை.

சென்ற முறை சர்கோசி இந்தியா வந்திருந்த பொழுது (அவர் 2007 இல் வந்தார் என்று நினைக்கிறேன்) அவர் பிரான்ஸ் அதிபராக பதவியேற்றிருந்த சமயம். மேலும் அப்பொழுது கார்லா ப்ரூனியுடன் அவருக்கு மணமாகி இருக்கவில்லை. அப்பொழுது அவர் கார்லா ப்ரூனியை காதலித்துக் கொண்டிருந்த சமயம். அதனால் அப்பொழுது அவருடைய இந்திய வருகை ஒரு romance ஆக பார்க்கப்பட்டது. ஆனால் இப்பொழுது அவருடைய வருகை மிக முக்கியமாக கருதப்பட்டது. இந்தப் பயணத்தில் பிரான்ஸ் இந்தியாவுடன் பல முக்கிய ஒப்பந்தங்களை மேற்கொண்டது. ராணுவம், அணு உலை , கல்வி, பொருளாதாரம் என்று பல துறைகளில் ஒப்பந்தம் செய்தது. இந்தியாவிற்கு தேவையான ராணுவ விமானங்களை வழங்குவது , மிராஜ் 2000 விமானத்தை மேம்படுத்துவது, பிரான்சில் படிக்கும் இந்திய மாணவர்களின் எண்ணிக்கையை , இந்தியாவிற்கும் பிரான்சிற்கும் இடையேயான ஏற்றுமதி இறக்குமதியை அதிகரிப்பது, வானவியல் துறையில் ஒத்துழைப்பது என்று பல ஒப்பந்தங்கள் செய்யப்பட்டன . அதில் முக்கியமானது பிரான்சின் ஒத்துழைப்புடன் மகாராஷ்டிராவில் இரண்டு EPR (European Pressurized Reactor) அணு உலைகளை அமைப்பது மிக முக்கியமான ஒப்பந்தமாகும். அமெரிக்காவைப் போன்று இந்தியாவுடன் அணு தொழிநுட்ப ஒப்பந்தம் செய்து கொண்ட நாடு பிரான்ஸ் என்பது குறிப்பிடத்தக்கது. உலகில் அணு தொழில்நுட்பத்தில் பிரான்ஸ் மிக முன்னேறிய நாடு . பிரான்சின் மொத்த உள்நாட்டுத் தேவையில் 80% மின்சாரம் அணு உலைகளின் மூலமே பூர்த்தி செய்யப்படுகிறது.

அரசியல் ரீதியில் மிக முக்கியமாக கருதப்பட்ட செயல் ஐநாவின் பாதுகாப்புச் சபையில் இந்தியா நிரந்தர உறுப்பினராக பிரான்சின் ஆதரவாகும். நிக்கோலஸ் சர்கோசி, ஐநாவின் பாதுகாப்பு சபையில் இந்தியா நிரந்தர உறுப்பினராக ஆதரவு தந்தது மட்டும் முக்கியமல்ல. இந்த விசயத்தில் அவர் கூறிய வார்த்தைகள் முக்கியமானவை. 1 பில்லியனுக்கும் மேலே மக்கள் தொகை கொண்ட நாட்டிற்கு ஐநாவின் பாதுகாப்புச் சபையின் எந்த ஒரு representative உம் இல்லாதது மிக அநியாயம் ஆகும் என்று கூறினார். மேலும் இந்தியா NSG இலும் இடம் பெறவேண்டும் என்று கூறினார் .

ஒபாமாவின் இந்திய வருகையைப் பற்றி The Hindu நாளிதழ் வெளியிட்ட செய்தி மிக முக்கியமானது . பொதுவாக இந்தியாவிற்கு ஒரு வெளிநாட்டுத் தலைவரின் வருகை எந்த அளவிற்கு வெற்றி பெற்றது என்பது பாகிஸ்தானின் reaction ஐ வைத்து தெரிந்து கொள்ளலாம். வெளிநாட்டு தலைவரின் இந்திய வருகையை பாகிஸ்தான் சற்று கலக்கத்துடன் பார்த்தால் ஓரளவு வெற்றி என்று கொள்ளலாம் , அந்த வெளிநாட்டுத் தலைவர் இந்தியாவில் கூறிய வார்த்தைகளையோ , அல்லது மேற்கொண்ட செயல்களையோ மாற்ற வேண்டும் என்று பாகிஸ்தான் காட்டுக் கூச்சல் போட்டால் அது மிகப் பெரிய வெற்றி என்று கொள்ளலாம். அந்த வகையில் ஒபாமா மற்றும் சர்கோசியின் இந்திய வருகை மிகப் பெரிய வெற்றி .

ஒரு வழியாக ஷேக் ஹசினாவிற்கு நீதி கிடைத்தது

பங்கபந்து என்று அழைக்கப்படுபவர் பங்களாதேஷின் தந்தை முஜிபுர் ரஹ்மான். பாகிஸ்தானிடமிருந்து பங்களாதேஷின் விடுதலைக்கு போராடி இந்தியாவின் உதவியுடன் விடுதலைப் பெற்றுத் தந்தவர். இதற்குப் பின் பங்களாதேஷின் முதல் குடியரசுத் தலைவரானார். 1975 ஆம் ஆண்டு ஆகஸ்டு 15 ஆம் நாள் முஜிபுர் ரஹ்மானும் அவருடைய குடும்பத்தாரும் பங்களாதேஷின் ராணுவத்தைச் சேர்ந்தவர்களால் குடியரசுத் தலைவர் இல்லத்தில் வைத்தே படுகொலை செய்யப்பட்டனர். இப்படுகொலையிலிருந்து வெளிநாட்டிலிருந்த அவருடைய இரு மகள்கள் மட்டுமே தப்பினர். அதற்குப் பின் ராணுவம் ஆட்சியைக் கைப்பற்றியது மற்றும் முஜிபுர் ரஹ்மானின் படுகொலைக்கு காரணமானவர்களை தப்பிப்பதற்க்கும் வழிகோலியது . இதற்குப் பின் அவருடைய மகள்களில் ஒருவரான ஷேக் ஹசினா, வெளிநாட்டிலிருந்த படியே முஜிபுர் ரஹ்மானின் கட்சியான அவாமி லீகின் தலைவரானார். 1980 ஆம் ஆண்டு நாடு திரும்பி ராணுவத்துக்கு எதிராக பல போராட்டங்களை நடத்தினார். 1996 ஆம் ஆண்டு நடந்த தேர்தலில் வெற்றி பெற்று பிரதம மந்திரி ஆனார். இதற்குப் பிறகே முஜிபுர் ரஹ்மானின் படுகொலைக்குக் காரணமானவர்களின் மீது வழக்குப் பதிவு செய்யப்பட்டது. அதற்கடுத்த தேர்தலில் எதிர்க் கட்சியைச் சேர்ந்த கலிதா ஜியா பிரதம மந்திரி ஆனார். முஜிபுர் ரஹ்மானின் படுகொலை வழக்கும் கிடப்பில் போடப்பட்டது. அதற்குப் பிறகு குடியரசுத் தலைவர் ஆட்சி வந்தது. பின் 2008 ஆம் ஆண்டு நடந்த தேர்தலில் திரும்பவும் ஷேக் ஹசினா வெற்றி பெற்றார். அதற்குப் பிறகுதான் முஜிபுர் ரஹ்மானின் வழக்கு சூடு பிடித்தது. ஒரு வழியாக முஜிபுர் ரஹ்மான் படுகொலை மீதான வழக்கில் சென்ற நவம்பர் மாதம் தீர்ப்பு வழங்கப்பட்டது. இப்படுகொலைக்கு காரணமானவர்களில் 5 பேருக்கு மரண தண்டனை வழங்கப்பட்டது. முஜிபுர் ரஹ்மான் படுகொலைக்கு காரணமானவர்கள் தண்டிக்கப்படும் வரை ரத்தக் கரை படிந்த தன் வீட்டிற்கு ஷேக் ஹசினா வெள்ளை அடிக்கமாட்டேன் என்று சபதம் ஏற்றிருந்ததாகக் கூட நான் கேள்விப்பட்டேன். ஒரு வழியாக கிட்டத்தட்ட 34 வருட வழக்கில் தீர்ப்பு வழங்கப்பட்டது.

பின் குறிப்பு :
ஷேக் ஹசினா பல நிலைகளில் தான் இந்தியாவிற்கு ஆதரவானவர் என்று நிரூபித்துள்ளார். அதுவே இப்பதிவு எழுதுவதற்கு ஒரு முக்கியக் காரணம்.

ஆப்கானிஸ்தான்,தலிபான்,அமெரிக்கா மற்றும் இந்தியா

ஆப்கானிஸ்தான், இன்று உலகின் கவனம் மையம் கொண்டிருக்கும் இடம்.

ஒரு காலத்தில் வணிகர்களுக்கு இன்றியமையாத தலமாக அமைந்த நாடு. ஏனெனில் silk route எனப்படும் ஆசியாவையும் ஐரோப்பாவையும் இணைத்த மிக முக்கியப் பாதை இந்நாடு வழியாகவேச் சென்றது. புத்த மதத்தைச் சார்ந்தவர்களுக்கு மிக முக்கிய இடமாக இருந்த நாடு.

இந்தியாவிற்கும் ஆப்கானிஸ்தானிற்கும் பன்னெடுங்காலமாகவே நெருங்கிய தொடர்பு உண்டு. மகாபாரதத்தில் வரும் நம்முடைய சகுனி மாமா ஆண்ட காந்தாரம், கிழக்கு ஆப்கானிஸ்தானும் வடக்கு பாகிஸ்தானும் சேர்ந்த பகுதியே. அசோகச் சக்ரவர்த்தியின் அப்பாவான பிந்துசாரரின் காலத்திற்க்கு (272 B.C) முற்ப்பட்ட காலம் முதல் நேற்றுவரை ஆண்ட முகலாயர்களின் காலம்(1700 A.D) வரை இந்தியாவின் ஒரு பகுதியாகவே ஆப்கானிஸ்தான் இருந்தது.

மலையும் மலை சார்ந்த பகுதிகளுமாக அமைந்த இந்நாட்டில் நீர் வளம் குறைவுதான். இருந்தாலும் இயற்கையில் சாகோதரன் போல் தனக்குக் கிழக்குப் பக்கத்தில் அமைந்த பாகிஸ்தான் போல் வளமாக(சிந்து சமவெளி நாகரீகம்!) இல்லாவிட்டாலும் தனக்கு மேற்க்கே அமைந்த அரபு நாடுகள் போல் பாலைவனமாக அல்லாமலாவது இருக்கிறோமே என்று 1940 கள் வரை ஓரளவு சந்தோசப்பட்டுக்கொண்டிருந்த நாடு! (1940 களில் தான் அரபு நாடுகளில் எண்ணெய் வளம் கண்டுபிடிக்கப்பட்டது ).

இப்படியாக வறண்டு இருந்தாலும் அமைதியாகவாவது இருந்த இந்நாட்டில் 1979 ஆம் ஆண்டு சோவியத் படையெடுத்ததிலிருந்து கஷ்ட காலம் ஆரம்பித்தது. அது சோவியத்திற்கும் அமெரிக்காவிற்கும் பனிப்போர் நடந்த காலம். அப்பொழுது உலகின் கவனம் முழுவதும் ஆப்கானிஸ்தான் மீது திரும்பியது. அமெரிக்காவின் உதவியுடன் உள்நாட்டு முஜாகிதீன்கள் சோவியத்தை தோற்கடித்தனர். ஒசாமா பின் லேடன் உட்பட இப்பொழுது இருக்கும் தலிபான் தலைவர்கள்் முக்கால்வாசிப் பேர் அமெரிக்காவால் அப்பொழுது ஆதரிக்கப்பட்டவர்களே. சோவியத்தைத் தோற்க்கடித்ததுடன் தங்கள் வேலை முடிந்தது என்று அமெரிக்காவும் மற்ற நாடுகளும் தங்கள் கவனத்தை ஆப்கானிஸ்தானிலிருந்து திருப்பிக்கொண்டன. அதற்கடுத்து ஆப்கானிஸ்தானில் உள்நாட்டுக் கலவரம் ஆரம்பித்தது.

1996 ஆம் ஆண்டு தலிபான்கள் ஆப்கானிஸ்தானைப் பிடித்தபொழுது உலகம் தன் புருவத்தை உயர்த்திப் பார்த்தது. இருந்தாலும் உள்நாட்டில் ஏதோ சண்டையிட்டுக்கொள்கிறார்கள் என்று விட்டுவிட்டார்கள். பாமியான் புத்தர் சிலையை உடைத்தபோதும், இந்தியன் ஏர்லைன்ஸ் கடத்தலின் போதும்தான் தலிபான்கள் உலகின் முழு கவனத்தைக் கவர்ந்தார்கள். அதற்கடுத்து 9/11 தாக்குதலும், அதையடுத்து தலிபான்கள் மீது அமெரிக்காவின் படையெடுப்பும் உலகம் அறிந்ததே.

1996 ஆம் ஆண்டு தலிபான்கள் ஆப்கானிஸ்தானைப் பிடித்தபோழுதே இந்தியாவிற்குத் தெரியும், தலிபான்கள் இந்தியாவிற்கு வேண்டியவர்கள் அல்ல என்று. அதற்க்கு முக்கியக் காரணம் தலிபான்களை பாகிஸ்தான் ஆதரித்ததும், தலிபான்களின் காட்டுமிராண்டித்தனமான ஆட்சியும், பாமியான் புத்தர் சிலை இடிப்பும். அதற்க்கு அப்புறம் இந்தியன் ஏர்லைன்ஸ் விமானக் கடத்தலிலிருந்து இந்தியா தலிபான்களை முழுவதுமாக வெறுக்கத்தொடங்கியது. அதிலிருந்து இந்தியா தலிபான்களின் எதிர்க் கூட்டணியான வடக்குக் கூட்டணியை முழுவதுமாக ஆதரிக்கத் தொடங்கியது. 2001 ஆம் ஆண்டு அமெரிக்கப் படையெடுப்பின் போது இந்தியா படைகளை அனுப்பாவிட்டாலும் தலிபான்களைப் பற்றிய ரகசியத் தகவல்களை அளித்து தலிபான் தோல்வியில் முக்கியப் பங்காற்றியது.

தலிபான் தோல்விக்குப் பிறகு ஆப்கானிஸ்தான் புனரமைப்பில் இந்தியா மிக கவனம் செலுத்துகிறது. ஆப்கானிஸ்தானில் தனக்குச் சாதகமான அரசை நிறுவுவதன் மூலம் பாகிஸ்தானை ஓரளவு அடக்கலாம் என்பது இந்தியாவின் எண்ணம். அதற்காக ஆப்கானிஸ்தானுக்கு பல உதவிகளைச் செய்ய ஆரம்பித்தது. தற்போது இந்தியா ஆப்கானிஸ்தானில் ஜனநாயக ஆட்சியை நிறுவததற்கு உதவுவதற்கு அடையாளமாக அங்கு பாராளுமன்ற கட்டிடத்தைக் கட்டி வருகிறது. ஆப்கானிஸ்தான் முற்றிலும் நிலத்தால் சூழப்பட்ட நாடு. அதனால் தன்னுடைய கடல் போக்குவரத்திற்கு பாகிஸ்தானையே நம்பி வருகிறது. ஆப்கானிஸ்தான், பாகிஸ்தானைச் சார்ந்திருக்கும் நிலையைக் குறைப்பதற்காக இந்தியா, ஆப்கானிஸ்தானிலிருந்து ஈரானின் Chahbahar துறைமுகத்திற்கு 135 மைல் நீள பாதை அமைத்துக் கொடுத்திருக்கிறது. மேலும் ஆப்கானிஸ்தானின் மின் பிரச்சனையைச் சமாளிப்பதற்காக ஒரு மின் உற்பத்தி ஆலை அமைத்து வருகிறது. தினமும் கிட்டத்தட்ட 20 லட்சம் பள்ளிக் குழந்தைகளுக்கு செறிவூட்டப்பட்ட பிஸ்கட்டுகளை வழங்கி வருகிறது. இப்படிப் பல வகையிலும் இந்தியா ஆப்கனுக்கு உதவி வருகிறது.

ஆப்கானிஸ்தானுக்கு இந்தியா வழங்கி வரும் உதவிகளைக் கவனித்தீர்களேயானால், அவை் பெரும்பாலும் மக்களின் அன்றாடப் பிரச்சினைகளைத் களைவதர்க்கான நடவடிக்கைகளே. ஒரு நாட்டை நமக்குச் சாதகமாக மாற்றுவதற்கு முதலில் அந்நாட்டு மக்களைக் கவர வேண்டும் . அந்த வகையில் இந்தியா மிகச் சிறப்பாகச் செயலாற்றிவருகிறது.

2001 ஆம் ஆண்டிற்குப் பிறகு முதன் முதாலாக (2004 ஆம் ஆண்டு) ஆப்கன் ஜனாதிபதியாகத் தேர்ந்தெடுக்கப்பட்ட கர்சாய், பல நிலைகளில் தான் இந்தியாவிற்கு ஆதரவானாவன் என்றுக் காட்டியுள்ளார் (கர்சாய் தன்னுடையக் கல்லூரிப் படிப்பை தில்லியில்தான் முடித்துள்ளார்). அந்த வகையில் கர்சாய், தற்பொழுது நடந்த ஆப்கன் ஜனாதிபதித் தேர்தலில் மீண்டும் தேர்ந்தெடுக்கப்பட்டது இந்தியாவிற்கு நலம் தான்.

ஆனால் தலிபான் ஆப்கனில் மீண்டும் தலையெடுக்கத் தொடங்கியுள்ளது இந்தியாவிற்கு கவலை அளிக்கும் விஷயம்். "War on Terror" இன் மையப் புள்ளி ஆப்கனாகத்தான் இருந்திருக்க வேண்டும், ஆனால் ஈராக்காக அமைந்தது துரதிஷ்டவசமானது். அமெரிக்க ஜனாதிபதி ஒபாமா தற்பொழுது ஈராக்கில் படைகளைக் குறைத்து, ஆப்கனில் படைகளை அதிகரிக்க முடிவெடுத்துள்ளது இந்தியாவிற்கு சற்று நம்பிக்கை அளித்துள்ளது.

தலிபான்கள் முற்றிலுமாக அழிக்கப்படவேண்டியது உலகிற்கும் இந்தியாவிற்கும் நல்லது.

Good insight into Taliban

David Rohde - 7 மாதம் 10 நாட்களுக்குப் பிறகு தலிபானிடமிருந்து தப்பி வந்த NewYorkTimes பத்திரிக்கையாளர்.

அவருடைய பதிவைக் காண இங்கே சொடுக்கவும். பின்வரும் பதிவு அவருடைய பதிவின் சுருக்கமே. அவருடைய பதிவைப் படிப்பதாக இருந்தால் இப்பதிவை அவருடையப் பதிவைப் படித்த பின் படிப்பது நலம். ஏனெனில் அவருடைய பதிவு பல திருப்பங்களை கொண்டது. பின் வருவனவற்றைப் படித்த பின் அவருடைய பதிவைப் படித்தால் சுவாரசியம் இருக்காது !

சரி அவருடையப் பதிவின் சுருக்கத்தைக் காண்போம்.

கடந்த 2008 Nov 10 ஆம் தேதி அவர் ஒரு தலிபான் தலைவரை(Abu Tayeb) பேட்டி காணச் செல்லும் வழியில் கடத்தப்பட்டார் . அவருடன் அந்தப் பேட்டிக்கு ஏற்பாடு செய்த ஒரு ஆப்கானிஸ்தான் செய்தியாளர் Tahir Luddin ம், அவர்களுடைய ஊர்தி ஓட்டுனர் Asad Mangal ம் கடத்தப்பட்டனர். அவர்களைக் கடத்தியவன் தன்னை Mullah Atiqullah என்று அறிமுகப்படுத்திக்கொண்டான்். பின்னர் அவர்கள் பாகிஸ்தானுக்கு கொண்டு செல்லப்பட்டனர். பாகிஸ்தானில் அவர்கள் தலிபானின் strong hold ஆன Waziristan பகுதியில் அடைத்துவைக்கப்பட்டனர். பிணையத்தொகையாக பல மில்லியன் டாலர்களும் , தலிபான் கைதிகளும் கேட்கப்பட்டனர். சிறிது நாட்களுக்குப் பிறகே David Rohde க்குத் தெரியவந்தது , Mullah Atiqullah வேறு யாருமல்ல , Abu Tayeb தான். அதாவது David, தான் யாரைப் பேட்டி காணச் சென்றாரோ, அவனாலே கடத்தப்பட்டார். David, வாஜிரிச்டனில் ஒன்பது இடங்களுக்கு இடம் மாற்றப்பட்டார்.

இந்தப் பல மாதங்களில் அபு தயெப், டேவிட்டிடம் பேச்சுவார்த்தை முடிவில் இருப்பதாகவும், நீ விரைவில் ஊர் திரும்புவாய் என்றும் கூறி வந்திருக்கிறான். ஆனால் டேவிட் அவற்றை நம்புவதாக இல்லை. ஏனெனில் அபு தயெப், பேச்சுவார்த்தையில் அரசாங்கம் 7m $ க்கும் மேலும் guantanamo bay இலிருந்து கைதிகளை விடுவிக்க ஒத்துக்கொண்டிருப்பதாகவும் கூறி வந்திருக்கிறார். அமெரிக்காவைப் பற்றித் தெரிந்தவர்கள் யாரும் இதை நம்ம மாட்டார்கள். ஏனெனில் அமெரிக்கா என்றுமே தீவிரவாதிகளுக்குப் பணிந்ததே இல்லை. அமெரிக்கா என்றுமே பிணைக்கைதிகளுக்காக கைதிகளை விடுவித்ததே இல்லை. அதனால் டேவிட் இதனை நம்பாதது ஆச்சரியமில்லை.மேலும் அவர் தான் அந்த அளவிற்கு தகுதி உள்ளவன் என்றும் நம்பவில்லை!.இதற்கிடையில் டேவிட் தங்கியிருந்த வீடு ஒரு தடவை அமெரிக்காவின் ஆளில்லா விமானத் தாக்குதலுக்கு உள்ளாகி உள்ளது. அதிலிருந்தும் அவர் தப்பித்துள்ளார்.

இப்படியே ஏழு மாதங்கள் சென்றுள்ளது. ஒருநாள் டேவிடும் தகீரும் தப்பிக்க முடிவெடுத்து ஒரு பாகிஸ்தான் ராணுவ சோதனைச்சாவடியை அடைந்தனர். ஆசாதை, டேவிட்டும் தகீரும் நம்பவில்லை. அதனால் அவரை தனியாக விட்டு விட்டு வந்துவிட்டார்கள். டேவிட்கு பாகிஸ்தான் ராணுவ சோதனைச்சாவடிக்குச் செல்வதில் தயக்கம் இருந்தது. ஏனெனில் அவர் பாகிஸ்தான் ராணுவத்தை நம்பவில்லை. அவர்கள் தம்மை திருப்பி தலிபானிடம் ஒப்பைடைத்துவிடக் கூடும் என்று பயந்தார். இருந்தபோதிலும் வேறு வழியே இல்லாமல் பாகிஸ்தான் ராணுவ சோதனைச்சாவடியை அடைந்தார். நல்லவேளையாக அவர் பயந்தபடி எதுவும் நடக்கவில்லை. ஆசாத்தும் பத்து நாட்களுக்குப் பிறகு தப்பி வந்து விட்டார்.

அவருடையப் பதிவு தலிபானின் அன்றாட நடவடிக்கைகளை அறிய உதவியாக உள்ளது.

India's relationship with S.America

Yesterday India inks nuclear pact with Argentina. This is the seventh country India to do so after United States, France, Russia, Kazakhstan, Namibia and Mongolia. This is the right move and right time to be close with resourceful S.America. We need many more such nuclear deals to cope up with our energy needs. That is very important for our economic growth. To be close with S.America also very important. Because that is very resourceful continent.

Ecuador and Venezuela are in OPEC. But how much India will be close with Venezuela is an important question. Because that (closeness) may anger U.S (Note that once Venezuelan president Hugo Chavez called Bush is a devil in UN!). Brazil is an another resourceful country in that continent. India and Brazil are part of BRIC. Thats why i keep on insisting that BRIC is very important. That has to grow like ASEAN,SCO.

In future Brazil may become a major oil producer and exporter as it had made major oil discoveries. Significant amount of the Brazil energy needs are satisfied by renewable energies and ethanol. Brazil is a leading country in the world using ethanol as an energy. In future we have to adopt for Bio-Energy like ethanol. Then only we can satisfy our surging energy needs.

Let our neighboring big friend to say like "(India) befriend the far and attack the near", but we need more friends culturally,economically and politically including friendly relationship with our neighboring big brother.